ପୁଅକୁ ଛାତିରେ ଚାପିଧରି କାନ୍ଦିପକାଇଲେ ବାପା, ଗେଲକଲେ ମା ; ଏହିପରି ସ୍ୱାଗତ କରୁଛନ୍ତି ‘ରଣଭୂମି’ ରୁ ଫେରୁଥିବା ଛାତ୍ର ଛାତ୍ରୀମାନଙ୍କୁ ।
ମାଆ ତାର ପୁଅକୁ ବାହୁରେ ଧରି କୋଳେଇ ନେଉଥିବାବେଳେ ବାପା ଛାତିରେ ଜାବୁଡ଼ି ଧରି କାନ୍ଦୁଛନ୍ତି । ଏହି ଦୃଶ୍ୟ ଆଜିକାଲି ଦିଲ୍ଲୀ ବିମାନବନ୍ଦରରେ ପ୍ରତିଦିନ ଦେଖିବାକୁ ମିଳୁଛି । ଋଷ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ମଧ୍ୟରେ ଅନେକ ଛାତ୍ର ଛାତ୍ରୀ ନିଜ ଦେଶକୁ ଫେରୁଛନ୍ତି । ୟୁକ୍ରେନରେ ସୃଷ୍ଟି ହୋଇଥିବା ଭୟଙ୍କର ପରିସ୍ଥିତିରୁ ନିଜ ଜୀବନ ରକ୍ଷା କରି ଭାରତକୁ ଫେରି ଆସିଥିବା ପିଲାମାନଙ୍କୁ ଭେଟିବାକୁ ଏବଂ ଘରକୁ ନେଇଯିବା ପାଇଁ ସେମାନଙ୍କ ପିତାମାତା ବହୁତ୍ ଖୁସି ଥିବାର ନଜର ଆସିଛନ୍ତି ।
ଆସନ୍ତୁ ଆପଣଙ୍କୁ କହିରଖୁଛୁ ଯେ ୟୁକ୍ରେନରେ ଫସି ରହିଥିବା ଭାରତୀୟ ଛାତ୍ରମାନଙ୍କୁ ଅପରେସନ୍ ଗଙ୍ଗା ଅଧୀନରେ ଭାରତକୁ ଫେରାଇ ଅଣାଯାଉଛି । ଏଥିପାଇଁ ଚାରିଜଣ କେନ୍ଦ୍ର ମନ୍ତ୍ରୀଙ୍କୁ ୟୁକ୍ରେନର ପଡୋଶୀ ଦେଶ ରୋମାନିଆ, ମୋଲଦୋବା, ପୋଲାଣ୍ଡ, ହଙ୍ଗେରୀ ଏବଂ ସ୍ଲୋବାକିଆକୁ ପଠାଯାଇଛି । ଏହି ସମସ୍ତ ମନ୍ତ୍ରୀଙ୍କୁ ଛାତ୍ରମାନଙ୍କର ସୁରକ୍ଷିତ ସ୍ଥାନାନ୍ତରଣ ଦାୟିତ୍ ଦିଆଯାଇଛି । ଏଥି ସହିତ ସରକାର ୟୁକ୍ରେନରେ ଫସି ରହିଥିବା ଛାତ୍ର ଛାତ୍ରୀ ଏବଂ ଅନ୍ୟ ଲୋକଙ୍କ ପରିବାର ପାଇଁ ହେଲ୍ପଲାଇନ ନମ୍ବର ମଧ୍ୟ ଜାରି କରିଛନ୍ତି । ଏହି ଲୋକମାନେ 9173572-00001 ଏବଂ 9198154-25173 ରେ ଫୋନ୍ କରିପାରିବେ ।
ଆମେ ଆପଣଙ୍କୁ କହି ରଖୁଛୁ ଯେ ୟୁକ୍ରେନରେ ଫସି ରହିଥିବା ଛାତ୍ରଛାତ୍ରୀଙ୍କୁ ଫେରାଇ ଆଣିବା ପାଇଁ ଭାରତୀୟ ବାୟୁସେନା ମଧ୍ୟ ଆଗେଇ ଆସିଛି । ଗୁରୁବାର ଦିନ ଭାରତୀୟ ବାୟୁସେନାର ଚାରୋଟି ସି -17 ବିମାନ ୟୁକ୍ରେନରୁ ପ୍ରାୟ 800 ଲୋକଙ୍କୁ ନେଇ ହିଣ୍ଡନ ଏୟାରବେସରେ ପହଞ୍ଚିବ ।
ୟୁକ୍ରେନର ପଶ୍ଚିମ ପଡୋଶୀ ଦେଶ ରୋମାନିଆ, ହଙ୍ଗେରୀ ଏବଂ ପୋଲାଣ୍ଡରୁ ଭାରତ ନିଜ ନାଗରିକମାନଙ୍କୁ ସ୍ଵତନ୍ତ୍ର ବ୍ୟବସ୍ଥା ଦ୍ବାରା ସ୍ଥାନାନ୍ତର କରୁଛି କାରଣ ରୁଷିଆର ଆକ୍ରମଣ ଯୋଗୁଁ ଫେବୃଆରୀ 24 ରୁ ୟୁକ୍ରେନର ବିମାନ ଚଳାଚଳ ବନ୍ଦ ହୋଇଯାଇଛି
ଏକ ସୂତ୍ର ରୁ ଜଣା ପଡ଼ିଛି ଯେ ବାୟୁସେନାର ବିମାନ ଗୁଡ଼ିକ ଏହି ପଡୋଶୀ ଦେଶରୁ ଆସୁଛି । ବାୟୁସେନାର ଚାରିଟି ବିମାନ ପ୍ରାୟ 800 ଭାରତୀୟଙ୍କୁ ନେଇ ଗୁରୁବାର ଦିନ ରାତି 1.30 ରୁ ସକାଳ 8 ଟା ମଧ୍ୟରେ ହିଣ୍ଡନ ଏୟାରବେସରେ ଅବତରଣ କରିବ ।
