ଖୋର୍ଦ୍ଧା: ଖୋର୍ଦ୍ଧାର ଅଗ୍ରଣୀ ଶିକ୍ଷାନୁଷ୍ଠାନ ଟ୍ରିପଲ ଏ ରେ ବିଶ୍ଵ ସାକ୍ଷରତା ଦିବସ ବିଦ୍ୟାଳୟର ସର୍ଭିସ ୟୁନିଟ କବ୍ , ବୁଲବୁଲ ସ୍କାଉଟ ଗାଇଡ ଓ ଜେ.ଆର.ସି. ଦ୍ଵାରା ମହାସମାରୋହରେ ପାଳିତ ହୋଇଯାଇଛି। ବିଦ୍ୟାଳୟର ନିର୍ଦ୍ଦେଶକ ଡା.ନନ୍ଦକିଶୋର ପଟ୍ଟନାୟକ ସବୁଜ ପତାକା ହଲାଇ ଏକ ବିରାଟ ଶୋଭାଯାତ୍ରାକୁ ଉଦ୍ଘାଟନ କରିଥିଲେ। ବିଦ୍ୟାଳୟ ପରିସରରୁ ଏହି ଶୋଭାଯାତ୍ରା ବାହାରି ବେରୁହାଁ,କଲ୍ୟାଣ ପୁର ଓହଳଦୀ ପଦା ଗ୍ରାମରେ ସାକ୍ଷରତା ଉପରେ ସଚେତନତା ସୃଷ୍ଟି କରିବା ସଙ୍ଗେସଙ୍ଗେ ଗ୍ରାମର ନିରକ୍ଷରଲୋକଙ୍କୁ ସିଲଟ ଓ ଖଡ଼ି ଦ୍ଵାରା ପାଠ ପଢ଼ାଇଥିଲେ। ବିଦ୍ୟାଳୟର ଅଧ୍ୟକ୍ଷା ଶ୍ରୀମତି ଦିପ୍ତି ମୟୀ ମହାନ୍ତିଙ୍କ ପ୍ରତ୍ୟକ୍ଷ ଓ ପରୋକ୍ଷ ତତ୍ତ୍ଵାବଧାନରେ ଏହି କାର୍ଯ୍ୟକ୍ରମଟି ସୁଚାରୁରୂପେ ସମ୍ପାଦିତ ହୋଇଥିଲା ।
