କେନ୍ଦ୍ରାପଡ଼ା,୧୦ା୯ : କେନ୍ଦ୍ରାପଡା ପୈାରାଞ୍ଚଳସ୍ଥିତ ନୃସିଂହ ଟିକିରି ମଠରେ ହରିଦାସ ଠାକୁରଙ୍କ ଉତ୍ସବ ଓ ନାମାଚାର୍ଯ୍ୟ ବାୟାବାବାଙ୍କ ସ୍ମରଣ ଉତ୍ସବ ପାଳିତ ହୋଇଯାଇଛି । ଏହି ଉପଲକ୍ଷେ ପ୍ରାତଃରେ ହରିଦାସ ଠାକୁର ଓ ନାମାଚାର୍ଯ୍ୟ ବାୟାବାବାଙ୍କ ଅଭିଷେକ କରାଯାଇଥିଲା । ପରେ ଗୋପାଳ ସହସ୍ରନାମ ପାଠ କରାଯିବା ପରେ ଛଗରିଆ ଗ୍ରାମର ସଂକୀର୍ତ୍ତନ ମଣ୍ଡଳୀ ଦ୍ୱାରା ସୂଚକ ନିର୍ଯ୍ୟାସ କୀର୍ତ୍ତନ ଅନୁଷ୍ଠିତ ହୋଇଥିଲା । ଠାକୁରଙ୍କ ନୀତି ପରେ ପ୍ରସାଦ ମଣୋହୀ କରାଯାଇ ସେବନ ଓ ବୀତରଣ କରାଯାଇଥିଲା । ବାୟାବାବାଙ୍କ ଆଶ୍ରମ ପରିଚାଳନା ସମିତିର ସଭାପତି ଗୁଣନିଧି ଜଗତି, ସମ୍ପାଦକ ପ୍ରହ୍ଲାଦ ପୃଷ୍ଟି, ସହ ସମ୍ପାଦକ ବଂଶୀଧର ମହାନ୍ତିଙ୍କ ସମେତ ବାୟାବାବାଙ୍କ ଶ୍ରଦ୍ଧାଳୁ ଓ ଆଶ୍ରମର ଅନ୍ତେବାସୀମାନେ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଏସମସ୍ତ କାର୍ଯ୍ୟକୁ ମଠାଧୀଶ ବାବାଜୀ ହୃଷୀକେଶ ଦାସ ମହାରାଜ ପରିଚାଳନା କରିଥିଲେ ।
