କଟକ, ୧୩/୯ ଗୁରୁଦେବ ଶ୍ରୀ ଶ୍ରୀ ରବିଶଙ୍କରଙ୍କ ଦ୍ୱାରା ପ୍ରତିଷ୍ଠିତ ଶ୍ରୀ ଶ୍ରୀ ବିଶ୍ୱବିଦ୍ୟାଳୟରେ ଏକ ମହା ନିଯୁକ୍ତି ମେଳା ଅନୁଷ୍ଠିତ ହୋଇଯାଇଛି । ଏହି ନିଯୁକ୍ତି ମେଳାରେ ବିଭିନ୍ନ କ୍ଷେତ୍ରର ୨୪ଟି କମ୍ପାନୀ ଅଂଶ ଗ୍ରହଣ କରିଥିଲା ବେଳେ ଭୁବନେଶ୍ୱର, କଟକ, ଯାଜପୁର, ଅନୁଗୁଳ, ଖୋର୍ଦ୍ଧା, ପୁରୀ ଓ ରାଜ୍ୟର ବିଭିନ୍ନ ଅଂଚଳର ପ୍ରାୟ ଏକ ହଜାର ଛାତ୍ରଛାତ୍ରୀ ଏଥିରେ ଅଂଶ ଗ୍ରହଣ କରିଥିଲେ । ଏହି ମେଳାରେ ସର୍ବନିମ୍ନ ଶିକ୍ଷାଗତ ଯୋଗ୍ୟତା ଦ୍ୱାଦଶ ପାସ୍ ଠାରୁ ଡିପ୍ଲୋମା, ସ୍ନାତକ, ସ୍ନାତକୋତ୍ତର ଛାତ୍ରଛାତ୍ରୀ ସେମାନଙ୍କର ନାମ ପଞ୍ଜୀକରଣ କରିବାର ମାଗଣା ବ୍ୟବସ୍ଥା କରାଯାଇଥିଲା । ଛାତ୍ରଛାତ୍ରୀମାନେ କୋଟାକ ମହିନ୍ଦ୍ରା, ଏଚଡିଏଫସି ବ୍ୟାଙ୍କ, ଡିସିବି ବ୍ୟାଙ୍କ, ଡେକାଥଲନ, ସପର୍ଷ୍ଟପ୍, କୋଟାକ ଇଫାଇନାନ୍ସ, ଇନସ୍ୟୁରାନ୍ସ, ଆକାଶ ବାଇଜୁସ୍, ସେଣ୍ଟ୍ରୋକ୍ସି, ପ୍ରିନ୍ସ ଏଚ ଆର, ଜିଓ ଜୀବନ, ମେଟ୍ରୋ ଗ୍ରୁପ, ମାଇସ୍ପେସ୍, ଏକ୍ସଟ୍ରାମାର୍କସ୍, ଅକ୍ଷୟପାତ୍ର ଫାଉଣ୍ଡେସନ, ଡିଭାଇନ ଏଆଇ ପ୍ରାଇଭେଟ ଲିମିଟେଡ ଆଦି ପ୍ରମୁଖ କମ୍ପାନୀରେ ଛାତ୍ରଛାତ୍ରୀମାନେ ନିଯୁକ୍ତି ପାଇପାରିଛନ୍ତି ବୋଲି ଶ୍ରୀ ଶ୍ରୀ ବିଶ୍ୱବିଦ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
