ମୁମ୍ବାଇ: ‘ଦି କପିଲ ଶର୍ମା ଶୋ’ର ହାସ୍ୟ ଅଭିନେତା କିକୁ ଶାରଦାଙ୍କ ମୁଣ୍ଡ ଉପରେ ଦୁଃଖର ପାହାଡ ଭାଙ୍ଗିପଡିଛି | ଦୁଇ ମାସ ମଧ୍ୟରେ ସେ ପିତାମାତାଙ୍କୁ ହରାଇଛନ୍ତି । ପିତାମାତାଙ୍କୁ ହରାଇବାର ଯନ୍ତ୍ରଣାକୁ ନେଇ କିକୁ ଏକ ଅତ୍ୟନ୍ତ ଭାବପ୍ରବଣ ପୋଷ୍ଟ ସେୟାର କରିଛନ୍ତି | କିକୁ ତାଙ୍କ ପିତାମାତାଙ୍କୁ ହରାଇବା ବିଷୟରେ ଏକ ପୋଷ୍ଟ ସେୟାର ନକରିବା ପର୍ଯ୍ୟନ୍ତ ଅନେକ ଲୋକ ଏହା ବିଷୟରେ ଜାଣି ନଥିଲେ। କପିଲ ଶର୍ମା ଶୋ ଫେମ କିକୁ ଶାରଦା ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏକ ନୂତନ ପୋଷ୍ଟ ସେୟାର କରି ତାଙ୍କ ପ୍ରଶଂସକମାନଙ୍କୁ ତାଙ୍କ ପିତାମାତାଙ୍କ ଦେହାନ୍ତ ବିଷୟରେ ସୂଚନା ଦେଇଥିଲେ। ପିତାମାତାଙ୍କ ଫଟୋ ସେୟାର କରି କିକୁ ଶାରଦା ଲେଖିଛନ୍ତି, ‘ଗତ ୨ ମାସ ମଧ୍ୟରେ ମୁଁ ମୋ ମା ଏବଂ ବାପା ହରେଇଦେଇଛି | ମା, ମୁଁ ତୁମକୁ ବହୁତ ମନେ ପକାଉଛି, ତୁମ ବିନା ଜୀବନ ବିଷୟରେ ମୁଁ କେବେ ଭାବି ନ ଥିଲି |
କିକୁ ଆହୁରି ଲେଖିଛନ୍ତି – ବର୍ତ୍ତମାନ ମୋର ଟିଭି ଶୋ ବିଷୟରେ କିଏ ମୋତେ ମତାମତ ଦେବ, କିଏ କହିବ ମୁଁ କେଉଁଠାରେ ଭୁଲ୍ କରୁଛି ଏବଂ କେଉଁଠାରେ ମୁଁ ଠିକ୍ କରୁଛି, ମୋର ପ୍ରତ୍ୟେକ ସଫଳତାରେ କିଏ ଖୁସି ହେବ | କେବିସିର ଏପିସୋଡ୍ ଦେଖିବା ପରେ କିଏ ମୋତେ କଲ କରିବ ଏବଂ ଅମିତାଭ ବଚ୍ଚନ କ’ଣ ମଜା କରିଛନ୍ତି କିଏ କହିବ? ମୋତେ ତୁମଠାରୁ ବହୁତ କିଛି ଶୁଣିବାର ଥିଲା, ମୋତେ ବହୁତ କିଛି କହିବାକୁ ଥିଲା | ଭାବପ୍ରବଣ ପୋଷ୍ଟରେ କିକୁ ଆହୁରି ଲେଖିଛନ୍ତି, ‘ପାପା- ମୁଁ ତୁମକୁ ସବୁବେଳେ ଆତ୍ମବିଶ୍ୱାସରେ ପରିପୂର୍ଣ୍ଣ ମଣିଷ ଭାବେ ଦେଖିଆସୁଥିଲି | ତୁମେ ତୁମର ପିଲା ଏବଂ ନାତିମାନଙ୍କ ପାଇଁ ବହୁତ ଯୋଜନା କରିଛ | ତୁମଠାରୁ ବହୁତ କିଛି ଶିଖିଛି, ଏବଂ ତୁମଠାରୁ ବହୁତ କିଛି ଶିଖିବାର ଥିଲା | ତୁମେ ଦୁହେଁ ବହୁତ ଶୀଘ୍ର ଚାଲିଗଲ | ଆଉ ଟିକିଏ ଅପେକ୍ଷା କରିଥାନ୍ତ, କିଛି କଥା ବାକି ଥିଲା’ |
