ଜିନିଷ କିଣିସାରିଛନ୍ତି ପେମେଣ୍ଟ ହଉନି ! ପାଖରେ ଟଙ୍କା ବି ନାହିଁ, ତାହେଲେ ଏପରି ଅଫଲାଇନରେ କରନ୍ତୁ ଟଙ୍କା ଟ୍ରାନ୍ସଫର
ୟୁପିଆଇ ଆସିବା ପରେ ଲୋକମାନେ ଏବେ ପାଖରେ କ୍ୟାସ୍ ରଖିବା କମ୍ କରିଦେଇଛନ୍ତି। ଆପଣ ବି ଅନେକ ଥର ଏମିତି କରିଥିବେ ଯେ ପାଖରେ ଟଙ୍କା ନଥିବ ଏବଂ ଆପଣ ମାର୍କେଟ ଚାଲି ଯାଇଛନ୍ତି। ଆଉ ସେଠାରେ ଜିନିଷ କିଣିବା ପରେ ଯାଇ ଜଣାପଡୁଛି ଯେ ଆପଣଙ୍କ ମୋବାଇଲରେ ଇଣ୍ଟରନେଟ୍ କାମ କରୁନାହିଁ। ଏହାଛଡା ଆପଣ ନିଜର ମୋବାଇଲ ରିଚାର୍ଜ କରିବା ପାଇଁ ଅନ୍ୟ କାହାକୁ ହଟସ୍ପଟ୍ ମାଗନ୍ତି। କିନ୍ତୁ ଏବେ ଆଉ ଏହି ସମସ୍ୟାର ସାମ୍ନା କରିବାକୁ ପଡିବନାହିଁ। କାହିଁକିନା ୟୁପିଆଇରେ ଏବେ ନୂଆ ଫିଚର ଆସିଯାଇଛି ଯାହାଦ୍ୱାରା ଆପଣ ସହଜରେ ୟୁପିଆଇ ପେମେଣ୍ଟ କରିପାରିବେ। ଆପଣଙ୍କୁ ମଧ୍ୟ ଏହି ଆପକୁ ବହୁତ ଜଲଦି ନିଜ ମୋବାଇଲରେ ଇନଷ୍ଟଲ କରିନେବା ଉଚିତ। କାହିଁକିନା ଜଣାନାହିଁ କେତେବେଳେ ଯେ ଆପଣଙ୍କ ଇଣ୍ଟରନେଟ କାମ କରିବା ବନ୍ଦ କରିଦେବ ଏବଂ ଆପଣ ଏକଦମ୍ ଫସିଯିବେ।
ଆପଣଙ୍କୁ ଜଣାଇବାକୁ ଚାହିଁବୁ ଯେ ଏହି ଆପ୍ ଏକ ଓ୍ଵାଲେଟ ଭଳି କାମ କରିଥାଏ। ଯାହାର ବ୍ୟବହାର ପାଇଁ ଆପଣଙ୍କ ଏହି ଓ୍ଵାଲେଟରେ ନିଜ ବ୍ୟାଙ୍କ ଖାତାରେ ପେମେଣ୍ଟ ଦେବାକୁ ହେବ। ଆପଣଙ୍କୁ ଜଣାଇବାକୁ ଚାହିଁବୁ ଯେ ଏହା ଏକ ଅନ୍ ଡିଭାଇସ ଓ୍ଵାଲେଟ। ଏଥିପାଇଁ ଏଥିରେ ରିୟଲ ଟାଇମ ପେମେଣ୍ଟ କରିବା ପାଇଁ ଇଣ୍ଟରନେଟର ଆବଶ୍ୟକତା ପଡିନଥାଏ। ଏହାବ୍ୟତୀତ ଆପଣଙ୍କୁ ଏଠାରେ ୟୁପିଆଇ ପିନ୍ ଦେବାକୁ ବି ଦରକାର ପଡିବନି। ମୋଟ ଉପରେ କହିବାକୁ ଗଲେ ଆପଣ ଅଫଲାଇନ୍ ମୋଡରେ ଟ୍ରାନଜାକସନ୍ କରିପାରିବେ।
ଏହି ଆପକୁ ଆପଣ ଏମରଜେନ୍ସୀରେ ବ୍ୟବହାର କରିପାରିବେ। କାହିଁକିନା ଯଦି ଆପଣ ମାର୍କେଟରେ କିଣାକିଣି କରୁଛନ୍ତି ଏବଂ ପେମେଣ୍ଟ କରିବାରେ ସମସ୍ୟ ହେଉଛି ତାହେଲେ ଏହି ପରିସ୍ଥିତିରେ ଆପଣ ୨୦୦ ଟଙ୍କା ପର୍ଯ୍ୟନ୍ତ ପେମେଣ୍ଟ ଟ୍ରାନଜାକସନ୍ କରିପାରିବେ। ଆପଣ ଏହି ଓ୍ଵାଲେଟରେ ୨ହଜାର ଟଙ୍କା ପର୍ଯ୍ୟନ୍ତ ବାଲାନ୍ସ ରଖିପାରିବେ। ଆପଣଙ୍କୁ ଜଣାଇବାକୁ ଚାହିଁବୁ ଯେ ଏହାର ବ୍ୟବହାର ଆପଣ ଅନଲିମିଟେଡ କରିପାରିବେ। ଅନେକ ବ୍ୟାଙ୍କରେ ୟୁପିଆଇ ଲାଇଟକୁ ଏନାବଲ କରିଦିଆଯାଇଛି।
ଓ୍ଵାଲେଟରେ ପେମେଣ୍ଟ ଆଡ କରିବା ପାଇଁ ଇଣ୍ଟରନେଟର ଆବଶ୍ୟକତା ହେବ। ବାଲାନ୍ସ ଆଡ୍ କରିବା ପରେ ଆପଣ ଅଫଲାଇନ୍ ପେମେଣ୍ଟ କରିପାରିବେ। ଏଥିରେ ଆପଣ ୟୁପିଆଇ ଅଟୋ ପେ ବି ୟୁଜ କରିପାରିବେ। ଯାହାଦ୍ୱାରା ଅଟୋମେଟିକ ବାଲାନ୍ସ ଆଡ ହୋଇଥାଏ। ୟୁପିଆଇ ଲାଇଟ ଜରିଆରେ ୟୁଜର୍ସ ବହୁତ ଫାଷ୍ଟ ଏବଂ ସହଜରେ ପେମେଣ୍ଟ କରିପାରିବେ।
