ଅନୁ ମଲିକ ମୋତେ ଡରାଉଥିଲେ, କୁମାର ସାନୁଙ୍କ ପରେ ସାମ୍ନାକୁ ଆସିଲେ ସୋନୁ ନିଗମ – Utkal Mail
ନୂଆଦିଲ୍ଲୀ: ସଂଗୀତ ନିର୍ଦ୍ଦେଶକ ଅନୁ ମଲିକ ସଂଗୀତ ଇଣ୍ଡଷ୍ଟ୍ରିରେ ଜଣାଶୁଣା ନାମ | ରିଅଲିଟି ସୋ ‘ଇଣ୍ଡିଆନ୍ ଆଇଡଲ୍’ର ବିଚାରକ ସହ ଅନେକ ହିଟ ଗୀତ ମାଧ୍ୟମରେ ସଂଗୀତପ୍ରେମୀଙ୍କ ହୃଦୟରେ ତାଙ୍କର ସ୍ୱତନ୍ତ୍ର ସ୍ଥାନ ରହିଆସିଛି | ତେବେ ବର୍ତ୍ତମାନ ଅନୁ ମଲିକଙ୍କ ବ୍ୟବହାର ପାଇଁ ସେ ଚର୍ଚ୍ଚାରେ ରହିଛନ୍ତି | ନିକଟରେ ଏକ ସାକ୍ଷାତକାରରେ ଅନୁ ମଲିକଙ୍କ ବିଷୟରେ ସୋନୁ ନିଗମ କହିଛନ୍ତି ଯେ କ୍ୟାରିୟର ଆରମ୍ଭ ସମୟରେ ଅନୁ ତାଙ୍କୁ ଡରାଉଥିଲେ | ବଲିଉଡ ହଙ୍ଗାମା ସହିତ ଏକ ସାକ୍ଷାତକାର ସମୟରେ ସୋନୁ ନିଗମ ଅନୁ ମଲିକଙ୍କ ସହ ତାଙ୍କର ପ୍ରଥମ ସାକ୍ଷାତ ବିଷୟରେ ଉଲ୍ଲେଖ କରିଥିଲେ | ସେ କହିଥିଲେ ଯେ ଏକ ରିଆଲିଟି ସୋ ସମୟରେ ସେ ଅନୁଙ୍କୁ ଭେଟିଥିଲେ।
ସେ କହିଛନ୍ତି ଯେ, “ପ୍ରଥମେ ମୁଁ ତାଙ୍କୁ ଭୟ କରୁଥିଲି। ଯେତେବେଳେ ମୁଁ ଇଣ୍ଡଷ୍ଟ୍ରିରେ ନୂଆ ଥିଲି ସେ ମୋତେ ଡରାଉଥିଲେ | ସେ ମୋ ଠାରୁ ବହୁତ ବଡ ଥିଲେ ଏବଂ ତାଙ୍କର ଅନେକ ବର୍ଷର ଅଭିଜ୍ଞତା ଥିଲା, ସେଥିପାଇଁ ସେ ମୋତେ ଡରାଉଥିଲେ | ଯେତେବେଳେ ମୁଁ ତାଙ୍କୁ ପ୍ରଥମ ଥର ଭେଟିଲି ସେତେବେଳେ ମୋତେ ମାତ୍ର ୧୪ ବର୍ଷ ହୋଇଥିଲା | ସୋନୁ ନିଗମ ଆହୁରି କହିଛନ୍ତି ଯେ, “ଯେତେବେଳେ ମୁଁ ପ୍ରଥମ ଥର ମୁମ୍ବାଇ ଆସିଥିଲି, ସେତେବେଳେ ମୋ ବାପା ଏବଂ ମୁଁ ତାଙ୍କୁ ଭେଟିବାକୁ ଯାଇଥିଲୁ। ପ୍ରଥମେ ସେ ମୋତେ ବହୁତ ଡରାଉଥିଲେ, କିନ୍ତୁ ପରେ ଧୀରେ ଧୀରେ ମୁଁ ତାଙ୍କ ସହ କିପରି ମୁକାବିଲା କରିବି ବୁଝିଗଲି | ତଥାପି, ମୁଁ ତାଙ୍କଠାରୁ ବହୁତ କିଛି ଶିଖିଲି ଏବଂ ସେ ମୋର ଗୁରୁ ”| ସୋନୁ ନିଗମଙ୍କ ପୂର୍ବରୁ ଭେଟେରାନ ଗାୟକ କୁମାର ସାନୁ ମଧ୍ୟ ଅନୁ ମଲିକଙ୍କ ବିରୋଧରେ ଅଭିଯୋଗ ଆଣିଥିଲେ। ପିଙ୍କଭିଲ୍ଲା ସହିତ ବାର୍ତ୍ତାଳାପ ସମୟରେ ସେ କହିଥିଲେ, “ଅନୁ ମଲିକ କେବେବି କାହାକୁ ଉତ୍ସାହିତ କରନ୍ତି ନାହିଁ | ସେ କେବଳ ନିରାଶ କରନ୍ତି |
