ଭୁବନେଶ୍ୱର: ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ ଖଜୁରୀ । ଭାରତର ଅଧିକାଂଶ ଲୋକେ ଏହାକୁ ଖାଇବାକୁ ପସନ୍ଦ କରନ୍ତି । ଏହା ଖାଇବାକୁ ଯେତିକି ସ୍ୱାଦିଷ୍ଟ ହୋଇଥାଏ, ସ୍ୱାସ୍ଥ୍ୟ ପାଇଁ ମଧ୍ୟ ସେତିକି ହିତକର ହୋଇଥାଏ । ଆପଣ ଜାଣନ୍ତି କି ଖଜୁରୀ ଅନେକ ରୋଗର ଆଶଙ୍କା ହ୍ରାସ କରିଥାଏ । ଏହା ସହିତ, ଏକ ଅଧ୍ୟୟନରୁ ଜଣାପଡିଛି ଯେ ଏହା ଗର୍ଭବତୀ ମହିଳାଙ୍କ ଉପରେ ଏକ ବିଶେଷ ପ୍ରଭାବ ଦେଖାଏ ।
୧. ଖଜୁରୀରେ ଅନେକ ପ୍ରକାରର ପୋଷକ ତତ୍ତ୍ୱରେ ମିଳିଥାଏ । ଏହା ଆଣ୍ଟିଅକ୍ସିଡାଣ୍ଟ ସମୃଦ୍ଧ ଖଣିଜ ପଦାର୍ଥ ଏବଂ ଭିଟାମିନ୍ ର ଏକ ଭଣ୍ଡାର । ସକାଳେ ଏହାକୁ ଖାଇବା ଦ୍ୱାରା ଆପଣ ଦିନସାରା ଶକ୍ତି ପାଆନ୍ତି ।
୨. ଆପଣ ଜାଣି ଆଶ୍ଚର୍ୟ୍ୟ ହେବେ ଯେ ଖଜୁରୀ ମଧୁମେହ ଏବଂ ଆଲଜାଇମର ଭଳି ଗୁରୁତର ରୋଗର ଆଶଙ୍କା ହ୍ରାସ କରିଥାଏ । ଏଥିରେ ମିଳୁଥିବା କାରୋଟିନଏଡ୍ ଆଖି ଏବଂ ହୃଦୟ ପାଇଁ ଲାଭଦାୟକ ବୋଲି ବିବେଚନା କରାଯାଏ ।
୩. ଭିଟାମିନ୍ ବି୧, ବି୨, ବି୩, ବି୫, ଏ୧ ସହିତ ଅନେକ ପ୍ରକାରର ଆମିନୋ ଏସିଡ୍ ମଧ୍ୟ ଖଜୁରୀରେ ମିଳିଥାଏ । ଏକ ଅଧ୍ୟୟନରୁ ଜଣାପଡିଛି ଯେ ଯଦି ଜଣେ ଗର୍ଭବତୀ ପ୍ରସବର ଏକ ମାସ ପୂର୍ବରୁ ଖଜୁରୀ ଖାଇବା ଆରମ୍ଭ କରନ୍ତି, ତେବେ ତାଙ୍କର ସାଧାରଣ ପ୍ରସବ ହେବାର ସମ୍ଭାବନା ବଢ଼ିଥାଏ । ଗର୍ଭାବସ୍ଥାରେ ଖଜୁରୀ ଖାଇବା ଉଭୟ ମା’ ଏବଂ ଶିଶୁର ସ୍ୱାସ୍ଥ୍ୟ ପାଇଁ ଭଲ ବୋଲି ବିବେଚନା କରାଯାଏ ।
