୨ ଡ୍ରିମଗାର୍ଲଙ୍କ ଭିତରେ ଫସିଲେ ଧର୍ମେନ୍ଦ୍ର, ଆୟୁଷ୍ମାନ ସେୟାର କଲେ ମଜାଦାର କ୍ୟାପ୍ସନ – Utkal Mail
ମୁମ୍ବାଇ: ବଲିଉଡର ସଫଳ ଦମ୍ପତି ଭାବେ ହେମା ମାଳିନୀ ଏବଂ ଧର୍ମେନ୍ଦ୍ର ବେଶ ଜଣାଶୁଣା | ପ୍ରଶଂସକମାନେ ଉଭୟଙ୍କ ଯୋଡିକୁ ବହୁତ ପସନ୍ଦ କରନ୍ତି | ଦୀର୍ଘ ସମୟ ପରେ ଉଭୟଙ୍କୁ ହେମାଙ୍କ ୭୫ତମ ଜନ୍ମଦିନ ଭୋଜିରେ ଦେଖିବାକୁ ମିଳିଥିଲା | ବଲିଉଡ୍ର ଡ୍ରିମ୍ଗାର୍ଲ ହେମାମାଳିନୀ ଅକ୍ଟୋବର ୧୬ ତାରିଖରେ ନିଜର ୭୫ତମ ଜନ୍ମଦିନ ପାଳନ କରିଥିବାବେଳେ ରେଖା, ଈଶା ଦେଓଲ, ଜୟା ବଚ୍ଚନ, ସଲମାନ ଖାନ, ବିଦ୍ୟା ବାଲାନ, ଅନୁପମ ଖେର, ଆୟୁଷ୍ମାନ ଖୁରାନା ଏବଂ ଜ୍ୟାକି ଶ୍ରଫଙ୍କ ସମେତ ଅନେକ ବଲିଉଡ ସେଲିବ୍ରିଟି ଯୋଗ ଦେଇଥିଲେ। ତେବେ ଏହି ସମୟର ଏକ ଫଟୋକୁ ଏବେ ଆୟୁଷ୍ମାନ ସେୟାର କରିଛନ୍ତି |
ଏହା ସହିତ ସେ ଏକ ଅତି ସୁନ୍ଦର କ୍ୟାପସନ୍ ମଧ୍ୟ ଲେଖିଛନ୍ତି | ଆୟୁଷ୍ମାନ ଖୁରାନା ତାଙ୍କ ଇନଷ୍ଟାଗ୍ରାମ ଷ୍ଟୋରି ଏକ ବିଶେଷ ଫଟୋ ସେୟାର କରିଛନ୍ତି। ଏହି ଫଟୋରେ ସେ ଧର୍ମେନ୍ଦ୍ର ଏବଂ ହେମାଙ୍କ ସହ ନଜର ଆସିଛନ୍ତି। ଫଟୋ ସେୟାର କରିବାବେଳେ ଅଭିନେତା ଏକ ମଜାଦାର କ୍ୟାପସନ୍ ମଧ୍ୟ ଲେଖିଛନ୍ତି। ଆୟୁଷ୍ମାନ ଲେଖିଛନ୍ତି- “ଧର୍ମେନ୍ଦ୍ର ପାଜି ଦୁଇ ଡ୍ରିମଗାର୍ଲଙ୍କ ମଧ୍ୟରେ ଫସିଯାଇଛନ୍ତି | ଉଲ୍ଲେଖ ଥାଉ କି ଯେ ‘ଡ୍ରିମଗାର୍ଲ’ ଫିଲ୍ମରେ ଆୟୁଷ୍ମାନ ଖୁରାନା ପୂଜା ଭୂମିକାରେ ଅଭିନୟ କରିଥିଲେ। ଯେଉଁଥିପାଇଁ ତାଙ୍କୁ ଡ୍ରିମଗାର୍ଲ ମାନ୍ୟତା ଦିଆଯାଇଥିଲା | ଅନ୍ୟପଟେ ହେମା ମାଳିନୀଙ୍କୁ ମଧ୍ୟ ଡ୍ରିମଗାର୍ଲ ବୋଲି କୁହାଯାଏ | ଉଲ୍ଲେଖ ଥାଉ କି ଶେଷ ଥର ପାଇଁ ଆୟୁଷ୍ମାନଙ୍କୁ ଡ୍ରିମଗାର୍ଲ-୨ରେ ଦେଖିବାକୁ ମିଳିଥିଲା | ଏହି ଚଳଚ୍ଚିତ୍ରଟି ୨୫ ଅଗଷ୍ଟରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା | ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ ରାଜ ସାଣ୍ଡେଲା। ଏହି ଚଳଚ୍ଚିତ୍ରରେ ଅନନ୍ୟା ପାଣ୍ଡେ, ପରେଶ ରାୱଲ, ଅନୁ କପୁର, ବିଜୟରାଜ ପ୍ରମୁଖ ଅଭିନୟ କରିଥିଲେ |
