ହିନ୍ଦୁ ପୁରାଣରେ ବର୍ଣ୍ଣିତ ହୋଇଛି ଯେ ମନୁଷ୍ୟ ଜୀବନରେ ସୁଖ କିମ୍ବା ଦୁଃଖ ଆସିବା ପୂର୍ବରୁ ଭିନ୍ନ ଭିନ୍ନ ଜୀବଜନ୍ତୁ ପଶୁ ପକ୍ଷୀ ଏବଂ ପ୍ରକୃତି ଦ୍ୱାରା ତାହାର ଶୁଭ କିମ୍ବା ଅଶୁଭ ସଙ୍କେତ ପୂର୍ବରୁ ହିଁ ମିଳିଯାଏ । ଯାହାଦ୍ୱାରା ମନୁଷ୍ୟ ଖରାପ ସମୟ ଆସିବା ପୂର୍ବରୁ ସତର୍କ ହୋଇଯାଏ କିମ୍ବା ଭଲ ସମୟ ଆସିବା ଆଗରୁ ଅବଗତ ହୋଇଯାଏ । ସେହିଭଳି ଘର ପାଖରେ କିଛି ଗଛ ଏପରି ଅଛି ଯାହା ସ୍ୱତଃ ଜନ୍ମ ହେବା ଦ୍ୱାରା କିମ୍ବା କିଛି ଗଛ ଘରେ ଲଗାଇବା ଦ୍ୱାରା ଶୁଭ ଫଳ ପ୍ରାପ୍ତ ହୋଇଥାଏ । ଏମିତିରେବି ଶାସ୍ତ୍ରରେ ବର୍ଣ୍ଣନା କରାଯାଇଛି ଯେ ବୃକ୍ଷ ରୋପଣ କରିବା ଦ୍ୱାରା ମନୁଷ୍ୟର ପୁଣ୍ୟ ପ୍ରାପ୍ତି ହୋଇଥାଏ ଏବଂ ମନୁଷ୍ୟର ମୃତ୍ୟୁ ପରେ ମଧ୍ୟ ସେହି ଗଛ ପୁଣ୍ୟ ପ୍ରାପ୍ତି କରିଥାଏ ।
କିନ୍ତୁ କିଛି ଗଛ ଏଭଳି ଅଛି ଯାହାକି ସ୍ୱତଃ ଘର ଚାରି ପାଖରେ ଉଠିଥାଏ । ତାହା ବାସ୍ତବରେ ଦେବତାଙ୍କ ସଙ୍କେତ ଆକାରରେ ଜନ୍ମ ହୋଇଥାଏ । ସେହି ଗଛ ମନୁଷ୍ୟ ଜୀବନରେ ଶୁଭ ପରିବର୍ତ୍ତନ ଆଣିଥାଏ । ମାତ୍ର ଯଦି ଆପଣ ଅଶୁଭ ଗଛ ସ୍ୱତଃ ଜନ୍ମ ହେବାର ଦେଖନ୍ତି ତେବେ ତାହାକୁ ସମ୍ପୂର୍ଣ୍ଣ ହଟାଇ ଦେବା ଶ୍ରେୟସ୍କର ହୋଇଥାଏ । ତେବେ ଚାଲନ୍ତୁ ସେହି ଗଛ ଗୁଡ଼ିକ ବିଷୟରେ ଜାଣିନେବା ।
୧ . ତୁଳସୀ ଗଛ:-
ତୁଳସୀ ଗଛରେ ମାତା ଲକ୍ଷ୍ମୀଙ୍କ ବାସ ହୋଇଥାଏ । ଯଦି ଘର ଚାରି ପାଖରେ ହଠାତ ଏକାଧିକ ତୁଳସୀ ଗଛ ଜନ୍ମ ହୁଏ ତେବେ ତାହା ଶୁଭ ସଙ୍କେତ ଅଟେ । ଏହାଦ୍ବାରା ଘରକୁ ମାତା ଲକ୍ଷ୍ମୀଙ୍କ ଆଗମନ ଏବଂ ଧନର ଆଗମନ ହୋଇଥାଏ । ଘରକୁ ଖୁସି ଆସିବା ପୂର୍ବରୁ ପ୍ରଥମେ ତୁଳସୀ ଗଛ ସବୁଜ ଏବଂ ଭରପୁର ହୋଇଥାଏ । ଯଦି ଏପରି ହଠାତ ଘର ଚାରି ପାଖରେ ତୁଳସୀ ଗଛ ଜନ୍ମ ହେଉଛି ତେବେ ତାହାକୁ କୌଣସି ବ୍ୟକ୍ତି କିମ୍ବା ମନ୍ଦିରରେ ଦାନ କରିଦେଲେ ତାହା ଅଧିକ ଶୁଭ ଫଳ ଦେଇଥାଏ । କିନ୍ତୁ ତୁଳସୀ ଗଛକୁ ବିକ୍ରି କରିବା ଉଚିତ ନୁହେଁ । ନଚେତ ମାତା ଲକ୍ଷ୍ମୀ ଘର ଛାଡ଼ି ଚାଲି ଯାଆନ୍ତି । ତୁଳସୀ ଗଛ ହଠାତ ଶୁଖିଗଲେ ତାହା ଅଶୁଭ ସଙ୍କେତ ଅଟେ ।
୨ . ଅମୃତଭଣ୍ଡା ଗଛ:-
ଯଦି ଘରର ଆଖପାଖରେ ଅମୃତଭଣ୍ଡା ଗଛ ସ୍ୱତଃ ଜାତ ହୋଇଥାଏ ତେବେ ତାହା ଅତ୍ୟନ୍ତ ଅଶୁଭ ହୋଇଥାଏ ଏବଂ ଏହା ଆଗାମୀ ସମୟରେ ଜୀବନରେ ଆସୁଥିବା ସମସ୍ୟାକୁ ଦର୍ଶାଇ ଥାଏ । ତେଣୁ ତାହାକୁ ତୁରନ୍ତ କୌଣସି ଅନ୍ୟ ସ୍ଥାନକୁ ସ୍ଥାନାନ୍ତରିତ କରି ଦିଅନ୍ତୁ । ଅମୃତଭଣ୍ଡା ଗଛ ଘର ପାଖରେ ରହିବା ମଧ୍ୟ କୌଣସି ବଡ଼ ଦୁର୍ଘଟଣାର ସଙ୍କେତ ହୋଇଥାଏ ।
୩ . ନିମ ଗଛ:-
ଘରର ଆଖପାଖରେ ନିମ ଗଛ ସ୍ୱତଃ ଜାତ ହେବା ଅତ୍ୟନ୍ତ ଶୁଭ ହୋଇଥାଏ । ଏହି ଗଛ ଔଷଧୀୟ ଗୁଣରେ ଭରପୁର ଥାଏ ଏବଂ ଏହା ନକରାତ୍ମକ ଶକ୍ତିକୁ ନଷ୍ଟ କରିଥାଏ । ଏହି ଗଛ ଘର ପାଖରେ ହେଲେ ଏହାର ଅର୍ଥ ଆପଣଙ୍କ ସହିତ କିଛି ଭଲ ହେବାକୁ ଯାଉଛି।
୪ . ଅରଖ ଗଛ:-
ଅରଖ ଗଛ ଘର ପାଖରେ ସ୍ୱତଃ ଜାତ ହେଲେ ଏହା ଅତ୍ୟନ୍ତ ଶୁଭ ହୋଇଥାଏ । କିନ୍ତୁ ଏହି ଗଛରୁ କ୍ଷୀର ଭଳି ବିଷାକ୍ତ ପଦାର୍ଥ ବାହାରିଥାଏ । ଯଦି ଆପଣ ଏହି ଗଛକୁ ଘର ପାଖରେ ରଖିବାକୁ ଚାହୁଁ ନାହାଁନ୍ତି ତେବେ ଅକ୍ଷତ , ସିନ୍ଦୁର ଏବଂ ହଳଦୀରେ ପୂଜା କରି ଅନ୍ୟତ୍ର ସ୍ଥାନାନ୍ତର କରି ଦିଅନ୍ତୁ । କିନ୍ତୁ ଶାସ୍ତ୍ର ଅନୁଯାୟୀ ଏହି ଗଛ ଘର ପାଖରେ ସ୍ୱତଃ ପ୍ରକଟ ହେଲେ ଧନ ଅର୍ଜନ ହୋଇଥାଏ ।
୫ . ପଦ୍ମ ଫୁଲ:-
ଘରର ଆଖପାଖରେ କୌଣସି ଜଳାଶୟ କିମ୍ବା ପାଣି ଟାଙ୍କିରେ ପଦ୍ମ ଫୁଲ ଜାତ ହୁଏ ତେବେ ତାହା ଅତ୍ୟନ୍ତ ଶୁଭ ହୋଇଥାଏ । ଏହି ଗଛ ଘର ପାଖରେ ହେବା ଅର୍ଥ ଆପଣ ଅତ୍ୟନ୍ତ ଭାଗ୍ୟଶାଳୀ ଅଟନ୍ତି । ଯେଉଁ ଘର ପାଖରେ ପଦ୍ମ ଫୁଲ ଗଛ ହୁଏ ସେହି ଘରେ ଧନ ଜନିତ ସମସ୍ୟା କେବେ ହୁଏନାହିଁ । ଏହି ଗଛ ଘରକୁ ସୁଖ ସମୃଦ୍ଧି ନେଇ ଆସିଥାଏ ।
୬ . ଅଶ୍ୱତ୍ଥ ଗଛ:-
ଅଶ୍ୱତ୍ଥ ଗଛରେ ସବୁ ଦେବଦେବୀଙ୍କ ବାସ ହୋଇଥାଏ । ତେଣୁ ଏହି ଗଛ ହଠାତ ଘର ପାଖରେ ପ୍ରକଟ ହେଲେ ତାହା ଅତ୍ୟନ୍ତ ଶୁଭ ସଙ୍କେତ ନେଇ ଆସିଥାଏ । ଏହାର ଅର୍ଥ ସେହି ଘର ଉପରେ ଦେବଦେବୀଙ୍କ କୃପା ରହିଛି । ତେଣୁ ସେହି ଗଛକୁ ପୂଜା କରନ୍ତୁ
