ଭୁବନେଶ୍ବର: ଆଜିଠୁ ନଭେମ୍ବର ମାସ ଆରମ୍ଭ ହେଉଥିବା ବେଳେ ଏହି ମାସରେ ମୋଟ ୧୩ ଦିନ ବନ୍ଦ ରହିବ ବ୍ୟାଙ୍କ । ନଭେମ୍ବର ୨୦୨୪ ପାଇଁ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଏନେଇ ତାର ବ୍ୟାଙ୍କ ଛୁଟି ତାଲିକା ପ୍ରକାଶ କରିଛି। ଏହି ମାସରେ ଉଭୟ ସରକାରୀ ତଥା ଆଞ୍ଚଳିକ ଛୁଟିଦିନକୁ ଅନ୍ତର୍ଭୁକ୍ତ କରି ବ୍ୟାଙ୍କଗୁଡିକ ମୋଟ ୧୩ ଦିନ ପର୍ଯ୍ୟନ୍ତ ବନ୍ଦ ରହିବ।
ତେବେ ଦ୍ୱିତୀୟ ଏବଂ ଚତୁର୍ଥ ଶନିବାରକୁ ଛାଡିଦେଲେ, ସମସ୍ତ ରବିବାରକୁ ମିଶାଇ ବ୍ୟାଙ୍କଗୁଡ଼ିକ ଆହୁରି ଅତିରିକ୍ତ ୮ ଦିନ ବନ୍ଦ ରହିବ । ଯାହାକି ନେଗୋସିଏବୁଲ ଇନଷ୍ଟ୍ରୁମେଣ୍ଟ ଆକ୍ଟ ଅନୁଯାୟୀ ବୈଧ ଅଟେ ।
ତେବେ ଜାଣନ୍ତୁ ତାରିଖ:
ନଭେମ୍ବର ୧: ତ୍ରିପୁରା, ମହାରାଷ୍ଟ୍ର, କର୍ଣ୍ଣାଟକ, ଉତ୍ତରାଖଣ୍ଡ, ସିକ୍କିମ, ମଣିପୁର, ଜାମ୍ମୁ କାଶ୍ମୀର ଏବଂ ମେଘାଳୟରେ ଦୀପାବଳି ଅମାବାସ୍ୟା (ଲକ୍ଷ୍ମୀ ପୂଜନ) ତଥା କନ୍ନଡ ରାଜୋତ୍ସବରେ ବ୍ୟାଙ୍କ ବନ୍ଦ ରହିବ।
ନଭେମ୍ବର ୨: ଗୁଜୁରାଟ, ମହାରାଷ୍ଟ୍ର, କର୍ଣ୍ଣାଟକ, ଉତ୍ତରପ୍ରଦେଶ, ସିକ୍କିମ, ରାଜସ୍ଥାନ ଏବଂ ଉତ୍ତରପ୍ରଦେଶରେ ଦୀପାବଳୀ (ବାଲି ପ୍ରତିପଦା), ଗୋବର୍ଦ୍ଧନ ପୂଜା ସମେତ ବିକ୍ରମ ସମାବତ ନୂଆ ବର୍ଷ କାରଣରୁ ବ୍ୟାଙ୍କ ବନ୍ଦ ରହିବ।
ନଭେମ୍ବର ୩: ରବିବାର
ନଭେମ୍ବର ୭: ଛତ୍ ପୂଜା (ସନ୍ଧ୍ୟା ଅର୍ଘ୍ୟ) ପାଇଁ ପଶ୍ଚିମବଙ୍ଗ, ବିହାର ଏବଂ ଝାଡଖଣ୍ଡରେ ବ୍ୟାଙ୍କ ବନ୍ଦ ରହିବ ।
ନଭେମ୍ବର ୮ :: ଛତ୍ ପୂଜା ଏବଂ ୱାଙ୍ଗଲା ଉତ୍ସବ କାରଣରୁ ବିହାର, ଝାଡଖଣ୍ଡ ଏବଂ ମେଘାଳୟରେ ବ୍ୟାଙ୍କ ବନ୍ଦ ରହିବ।
ନଭେମ୍ବର ୯: ଦ୍ୱିତୀୟ ଶନିବାର
ନଭେମ୍ବର ୧୦: ରବିବାର
ନଭେମ୍ବର ୧୨: ଉତ୍ତରପ୍ରଦେଶରେ ବ୍ୟାଙ୍କଗୁଡିକ ବନ୍ଦ ରହିବ |
ନଭେମ୍ବର ୧୫: ଗୁରୁ ନାନକ ଜୟନ୍ତୀ / କାର୍ତ୍ତିକା ପୂର୍ଣ୍ଣିମା / ରାହସ୍ ପୂର୍ଣ୍ଣିମା ପାଇଁ ମିଜୋରାମ, ମହାରାଷ୍ଟ୍ର, ମଧ୍ୟପ୍ରଦେଶ, ଓଡିଶା, ଚଣ୍ଡିଗଡ଼, ଉତ୍ତରପ୍ରଦେଶ, ତେଲେଙ୍ଗାନା, ଜାମ୍ମୁ କାଶ୍ମୀର, ପଶ୍ଚିମବଙ୍ଗ, ଦିଲ୍ଲୀ, ଅରୁଣାଚଳ ପ୍ରଦେଶ, ରାଜସ୍ଥାନ, ଛତିଶଗଡ, ଉତ୍ତରପ୍ରଦେଶ, ନାଗାଲାଣ୍ଡ,ଝାଡଖଣ୍ଡ, ହିମାଚଳ ପ୍ରଦେଶରେ ବ୍ୟାଙ୍କଗୁଡିକ ବନ୍ଦ ରହିବ।
ନଭେମ୍ବର ୧୭: ରବିବାର
ନଭେମ୍ବର ୧୮: କନକଦାସ ଜୟନ୍ତୀରେ କର୍ଣ୍ଣାଟକରେ ବ୍ୟାଙ୍କଗୁଡିକ ବନ୍ଦ ରହିବ |
ନଭେମ୍ବର ୨୩: ମେଘାଳୟରେ ବ୍ୟାଙ୍କଗୁଡିକ ବନ୍ଦ ରହିବ, ଏଥିସହିତ ଚତୁର୍ଥ ଶନିବାର ମଧ୍ୟ ପଡୁଛି |
ନଭେମ୍ବର ୨୪: ରବିବାର
ତେବେ ଏହିଦିନ ଗୁଡିକରେ ଅନଲାଇନ ସେବା ୨୪ ଘଣ୍ଟା ଜାରି ରହିବ । ଗ୍ରାହକମାନେ ବ୍ୟାଙ୍କର ଅଫିସିଆଲ ଓ୍ବେବସାଇଟ, ଏଟିଏମ୍, ମୋବାଇଲ ଆପ୍ଲିକେସନ୍ ଏବଂ ନେଟ୍ ବ୍ୟାଙ୍କିଂ ଦ୍ବାରା ସେବା ମହଜୁଦ୍ ପାଇପାରିବେ ।
