ନୀଳ ଆଧାର କାର୍ଡ ଧଳା ଆଧାର କାର୍ଡ ଠାରୁ ଅଲଗା କିପିର? ଜାଣନ୍ତୁ କାହା ପାଇଁ ଦରକାର ପଡିଥାଏ ନୀଳ ଆଧାର କାର୍ଡ

ଭାରତରେ ବିଭିନ୍ନ ପ୍ରକାରର ସରକାରୀ ଏବଂ ଅଣ-ସରକାରୀ ସେବା ପାଇବା ପାଇଁ ଆଧାର କାର୍ଡ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। କିନ୍ତୁ ଆପଣ ଜାଣନ୍ତି କି ଧଳା ଆଧାର କାର୍ଡ ବ୍ୟତୀତ ଏକ ନୀଳ ଆଧାର କାର୍ଡ ମଧ୍ୟ ଅଛି ଯାହା ସରକାର ପିଲାମାନଙ୍କ ପାଇଁ ତିଆରି କରିଛନ୍ତି, ଏହାକୁ ‘ବାଳ ଆଧାର କାର୍ଡ’ ମଧ୍ୟ କୁହାଯାଏ। ଏହାର ପୃଷ୍ଠଭୂମି ଧଳା ପରିବର୍ତ୍ତେ ନୀଳ ଅଟେ।

କେଉଁ ବୟସରେ ପିଲାମାନଙ୍କ ପାଇଁ ନୀଳ ଆଧାର କାର୍ଡ?

ଯେହେତୁ ଆମେ ପୂର୍ବରୁ କହିସାରିଛୁ ଯେ ନୀଳ ଆଧାର କାର୍ଡ କେବଳ ପିଲାମାନଙ୍କ ପାଇଁ ତିଆରି ହୋଇଥାଏ। ପାଞ୍ଚ ବର୍ଷ କିମ୍ବା ତା’ଠାରୁ କମ୍ ପିଲାମାନଙ୍କ ପାଇଁ ନୀଳ ଆଧାର କାର୍ଡ ତିଆରି କରାଯାଇଥାଏ। 5 ବର୍ଷ ବୟସ ପରେ, ଏହି 12 ଅଙ୍କ ବିଶିଷ୍ଟ ନୀଳ ଆଧାର କାର୍ଡ ଆପେ ଆପେ ଅବୈଧ ହୋଇଯାଏ।

ନୀଳ ଆଧାର କାର୍ଡ ଧଳା ଠାରୁ କିପରି ଭିନ୍ନ?

ପ୍ରଥମ ପାର୍ଥକ୍ୟ ହେଉଛି ନୀଳ ଆଧାର କାର୍ଡ କେବଳ ପାଞ୍ଚ ବର୍ଷରୁ କମ୍ ପିଲାମାନଙ୍କ ପାଇଁ। ଦ୍ୱିତୀୟ ବଡ଼ କଥା ହେଉଛି ଏହି ଆଧାର କାର୍ଡରେ ପିଲାମାନଙ୍କର ବାୟୋମେଟ୍ରିକ୍ ସୂଚନା ନଥାଏ। କେବଳ ଶିଶୁର ଫଟୋ କ୍ଲିକ୍ କରାଯାଏ। ଏହା ପରେ ପରବର୍ତ୍ତୀ ଯାଞ୍ଚ କରାଯାଇଥାଏ।

5 ବର୍ଷ ବୟସ ପରେ ଆଉ ବୈଧ ନୁହେଁ।

ପିଲା 5 ବର୍ଷ ବୟସ ହେବା ମାତ୍ରେ ବ୍ଲୁ ଆଧାର କାର୍ଡ ଅବୈଧ ହୋଇଯାଏ। ଏହା ପରେ, ଏକ ନୂତନ ଆଧାର କାର୍ଡ ତିଆରି କରିବାକୁ ପଡିବ ଯାହାକି 15 ବର୍ଷ ବୟସ ପର୍ଯ୍ୟନ୍ତ ବୈଧ ରହିବ। 15 ବର୍ଷ ବୟସ ପରେ, ଏକ ନୂତନ ଆଧାର କାର୍ଡ ତିଆରି କରିବାକୁ ପଡିଥାଏ ।