ପାରାଦୀପ: ଆସୁଛି ସମ୍ଭାବ୍ୟ ବାତ୍ୟା ଦାନା । ଡାକବାଜି ଯନ୍ତ୍ରରେ ସତର୍କ କରାଯିବା ପରେ କୂଳକୁ ଫେରିଛନ୍ତି ମତ୍ସ୍ୟଜିବୀ । ଡଙ୍ଗା ଓ ବୋଟକୁ ସୁରକ୍ଷିତ ସ୍ଥାନରେ ରଖୁଛନ୍ତିି ମତ୍ସ୍ୟଜୀବୀ । ଏପଟେ ବାତ୍ୟା ମୁକାବିଲା ପାଇଁ ତୟାର ପ୍ରଶାସନ। ବାତ୍ୟା ଆଶ୍ରୟସ୍ଥଳୀ, ସ୍କୁଲ, କଲେଜକୁ ପ୍ରସ୍ତୁତ କରାଯାଉଛି । ପାରାଦୀପର ଷଣ୍ଢକୁଦ ବସ୍ତି, ନୂଆବଜାର ବସ୍ତି, ବାଉରିଆପାଳନ୍ଦା ବସ୍ତିକୁ ପ୍ରଶାସନ ଫୋକସରେ ରହିଛି ।
ଆବଶ୍ୟକ ପଡିଲେ ଜଗତସିଂହପୁର ଜିଲ୍ଲାର ପାରାଦୀପ ସମେତ ଏରସମା, କୁଜଙ୍ଗ, ବାଲିକୁଦା ବ୍ଲକର ସମୁଦ୍ର କୂଳିଆ ଲୋକଙ୍କୁ ସ୍ଥାନାନ୍ତର କରିବାର ବ୍ୟବସ୍ଥା କରାଯାଉଛି।
ପାଣିପାଗ କେନ୍ଦ୍ରର ସୂଚନା ଅନୁସାରେ, ବଙ୍ଗୋପସାଗରରେ ସକ୍ରିୟ ୱେଲ୍ ମାର୍କଡ ଲୋପ୍ରେସରଟି ଆଜି ଡିପ୍ରେସନରେ ପରିଣତ ହୋଇଛି । ଏହା ଏବେ ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ କେନ୍ଦ୍ରୀଭୂତ ରହିଛି । ଅବପାତଟି ପାରାଦୀପ ଉପକୂଳରୁ ୭୩୦ କିଲୋମିଟର ଦୂରରେ କେନ୍ଦ୍ରୀଭୂତ ହୋଇଥିବା ବେଳେ ଦକ୍ଷିଣପୂର୍ବ, ପଶ୍ଚିମବଙ୍ଗ ସାଗର ଦ୍ୱୀପରୁ ୭୭୯ କିଲୋମିଟର ଦୂରରେ ଦକ୍ଷିଁଣ-ଦକ୍ଷିଣ ପୂର୍ବ ଦିଗରେ କେନ୍ଦ୍ରୀଭୂତ ରହିଛି । ଏହା ଧୀରେ ଧୀରେ ପଶ୍ଚିମ-ଉତ୍ତର ପଶ୍ଚିମ ଦିଗରେ ଗତି କରି ଅଧିକ ଘନୀଭୂତ ହେବ ।
