ନୂଆଦିଲ୍ଲୀ: ନଭେମ୍ବର ୫ରେ ହେବାକୁ ଥିବା ଆମେରିକା ରାଷ୍ଟ୍ରପତି ନିର୍ବାଚନ ପୂର୍ବରୁ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୂର୍ବାନୁମାନର ନେତୃତ୍ୱ ନେଉଛନ୍ତି। ବିଶେଷ କରି ସମସ୍ତ ସାତୋଟି ସ୍ୱିଙ୍ଗ୍ ରାଜ୍ୟରେ ଆଟଲାସ୍ ଇଣ୍ଟେଲ୍ର ସଦ୍ୟତମ ସର୍ଭେରୁ ଜଣାପଡିଛି। ସର୍ଭେରୁ ଜଣାପଡିଛି ଯେ ପ୍ରାୟ ୪୯% ଉତ୍ତରଦାତା କହିଛନ୍ତି ଯେ ସେମାନେ ଡୋନାଲ୍ଡ ଟ୍ରମ୍ପଙ୍କୁ ଭୋଟ୍ ଦେବେ, କାରଣ ରିପବ୍ଲିକାନ୍ମାନ ତାଙ୍କ ପ୍ରତିପକ୍ଷ ଡେମୋକ୍ରାଟ୍ କମଲା ହାରିସଙ୍କ ଉପରେ ୧.୮% ଭୋଟ୍ ରଖିଛନ୍ତି।
କିଏ ହେବେ ଆମେରିକାର ପରବର୍ତ୍ତୀ ରାଷ୍ଟ୍ରପତି ? ପୁଣି କ୍ଷମତାକୁ ଫେରିବେ କି ଡୋନାଲ୍ଡ ଟ୍ରମ୍ପ ? ନା ବାଜି ମାରିନେବେ ଭାରତୀୟ ବଂଶଦ୍ଭବ କମଲା ହାରିସ। ସେ ନେଇ ଆରମ୍ଭ ହୋଇଯାଇଛି କାଉଣ୍ଟଡାଉନ। ଆସନ୍ତାକାଲି ଆମେରିକାରେ ରାଷ୍ଟ୍ରପତି ନିର୍ବାଚନ। ୪୮ ଘଣ୍ଟା ପରେ ହ୍ୱାଇଟ ହାଉସର ବସ୍ କିଏ ହେବ ସେ ନେଇ ବଢୁଛି ଉତ୍କଣ୍ଠା। ପୂର୍ବରୁ ଶକ୍ତି ପ୍ରଦର୍ଶନ ପାଇଁ ଅହରହ ପ୍ରଚାର କରିଛନ୍ତି ଉପରାଷ୍ଟ୍ରପତି ତଥା ଡେମୋକ୍ରାଟିକ୍ ପାର୍ଟିର ରାଷ୍ଟ୍ରପତି ପ୍ରାର୍ଥୀ କମଲା ହାରିସ ଏବଂ ତାଙ୍କ ପ୍ରତିଦ୍ୱନ୍ଦ୍ୱୀ ପୂର୍ବତନ ରାଷ୍ଟ୍ରପତି ତଥା ରିପବ୍ଲିକାନ୍ ପାର୍ଟିର ପ୍ରାର୍ଥୀ ଡୋନାଲ୍ଡ ଟ୍ରମ୍ପ।
ଏଥର ନିର୍ବାଚନରେ ଦୁଇ ନେତା ଭଲ ବ୍ୟବଧାନରେ ନିର୍ବାଚନ ଜିତିବେ ବୋଲି ଆଶା ରଖିଛନ୍ତି ଉଭୟ। ତେବେ ମ୍ୟାଜିକ୍ ନମ୍ବର ୨୭୦ କିଏ ପାର୍ କରି ହ୍ୱାଇଟ ହାଉସରେ ଏଣ୍ଟ୍ରି ମାରିବେ ତାହା ବାଛିବେ ଜନତା। ଉଭୟଙ୍କ ମଧ୍ୟରେ ହୋଇପାରେ କଡ଼ା ଟକ୍କର। ଆମେରିକାରେ ରାଷ୍ଟ୍ରପତି ନିର୍ବାଚନ ବିଜୟୀ ପାଇଁ ୫୩୮ ଇଲେକ୍ଟୋରାଲ କଲେଜ ଭୋଟରୁ ୨୭୦ ଭୋଟ୍ ସହ ପ୍ରାର୍ଥୀଙ୍କୁ ଅତି କମରେ ତିନିଟି ପ୍ରମୁଖ ରାଜ୍ୟରେ ଜିତିବାକୁ ପଡ଼ିବ।
