ଜେରୁଜେଲମ୍ / ଅମ୍ମାନ: ସିରିଆରେ ବିଦ୍ରୋହୀମାନଙ୍କ ଦ୍ବାରା ବଶର ଅଲ-ଅସଦଙ୍କ ଶାସନର ପତନ ପରେ ଇସଲାମିକ ଦେଶ ମଧ୍ୟରେ ଆତଙ୍କ ସୃଷ୍ଟି ହୋଇଛି। ଚିନ୍ତା ପ୍ରକଟ କରିଛି ଯେ, ସିରିଆ ବିଦ୍ରୋହୀ ଜୋର୍ଡାନରେ ମଧ୍ୟ ଉଗ୍ରବାଦକୁ ବଢ଼ାଇପାରନ୍ତି।
ଏହା ଦ୍ବାରା ରାଜା ଅବଦୁଲ୍ଲା-୨ ବିଲ୍ ହୁସେନଙ୍କ ଶାସନ ପ୍ରତି ବିପଦ ଆଣିପାରେ। ଏହି ଚିନ୍ତାଧାରା ମଧ୍ୟରେ ଇସ୍ରାଏଲର ଗୁପ୍ତଚର ଏଜେନ୍ସିର ଅଧିକାରୀମାନେ ଜୋର୍ଡାନ ଗସ୍ତ କରିଛନ୍ତି। ଇସ୍ରାଏଲ କ୍ୟାବିନେଟରେ ଆଲୋଚନା ହୋଇଛି ଯେ, ସିରିଆ ବିବାଦ ଜୋର୍ଡାନକୁ ବ୍ୟାପିଲେ ଇସ୍ରାଏଲ ଉପରେ ସିଧାସଳଖ ପ୍ରଭାବ ପକାଇବ।
8aa001
ଇସ୍ରାଏଲର ସୁରକ୍ଷା ଏଜେନ୍ସିର ସଚିନ ବେଟର ମୁଖ୍ୟ ରୋନେନ ବାର ଏବଂ ଆଇଡିଏଫ ଇଣ୍ଟେଲିଜେନ୍ସ ନିର୍ଦ୍ଦେଶାଳୟର ମୁଖ୍ୟ ମେଜର-ଜେନେରାଲ ଶ୍ଲୋମି ବିନ୍ଦର ଜୋର୍ଡାନ ଗସ୍ତ କରିଛନ୍ତି। ଆରବ କୂଟନୀତିଜ୍ଞମାନେ ମଧ୍ୟ ଏ ବିଷୟରେ ଚିନ୍ତା ପ୍ରକଟ କରିଛନ୍ତି। ଜେରୁଜେଲମ୍ ପୋଷ୍ଟ ଜଣେ ଆରବ କୂଟନୀତିଜ୍ଞଙ୍କ ଉଦ୍ଧେଶ୍ୟରେ କହିଛି ଯେ, ଇଜିପ୍ଟ, ଜୋର୍ଡାନ ଏବଂ ପଡୋଶୀ ଦେଶର ଅଧିକାରୀମାନେ ସିରିଆ ଉପରେ କଡା ନଜର ରଖିଛନ୍ତି।
8bamnza-ଆରବ ଜଗତରେ ଏକ ଭୟର ବାତାବରଣ ସୃଷ୍ଟି ହୋଇଛି ଯେ, ସିରିଆରେ ବିଦ୍ରୋହର ସଫଳତା ଅନ୍ୟ ଦେଶରେ ଇସଲାମିକ ଗତିବିଧିକୁ ଉତ୍ସାହିତ କରିପାରେ। କୂଟନୀତିଜ୍ଞ କହିଛନ୍ତି ଯେ, ସିରିଆ ବିରୋଧୀଙ୍କ କଥା ଏପର୍ଯ୍ୟନ୍ତ ମଧ୍ୟମ ରହିଛି, କିନ୍ତୁ ଭବିଷ୍ୟତ ବିଷୟରେ କହିବା କଷ୍ଟକର ହେବ।
ସିରିଆର ମୁଖ୍ୟ ବିଦ୍ରୋହୀ ଗୋଷ୍ଠୀ ହାୟାତ୍ ତାହିର ଅଲ-ଶାମ (ଏଚଟିଏସ୍) ର ମୁଖ୍ୟ ଅବୁ ମହମ୍ମଦ ଅଲ-ଜୁଲାନି ଶନିବାର ଦିନ ସିରିଆ ଟିଭିକୁ ଦେଇଥିବା ବିବୃତିରେ କହିଛନ୍ତି ବଶର ଅଲ-ଆସାଦଙ୍କ ଶାସନ ପରେ କୌଣସି ନୂତନ ବିବାଦ ଭିତରକୁ ପ୍ରବେଶ କରିବାର ଉଦ୍ଦେଶ୍ୟ ନାହିଁ।
ଜୁଲାନି ସିରିଆରେ ଇସ୍ରାଏଲର ଆକ୍ରମଣକୁ ନିନ୍ଦା କରିବା ସହ ଇସ୍ରାଏଲର ଏହା କରିବାର କୌଣସି ଆବଶ୍ୟକତା ନାହିଁ ବୋଲି କହିଛନ୍ତି। ସିଏନ୍ଏନ୍ ରିପୋର୍ଟ ଅନୁଯାୟୀ, ସିରିଆରେ ଆସାଦ ଶାସନର ପତନ ପରେ ଇସ୍ରାଏଲ୍ ପ୍ରାୟ ୫୦୦ ଏୟାର ଷ୍ଟ୍ରାଇକ୍ କରିଛି।
