କଟକ, ୨୮/୮ ସମାଜସେବା କ୍ଷେତ୍ରରେ ରାଜ୍ୟ ସହିତ ଦେଶ ଓ ଆନ୍ତର୍ଜାତିକ ସ୍ତରରେ ସୁନାମ ଆଣିଥିବା ଜଜବା ହାସିମ୍ ଅବଦୁଲ୍ଲା ଟ୍ରଷ୍ଟର ଅଧ୍ୟକ୍ଷ ସଫଦର ହାସିମ୍ଙ୍କୁ ଚଳିତ ୨୦୨୨ ବର୍ଷରେ ଆନ୍ତର୍ଜାତିକ ହ୍ୟୁମାନ ରାଇଟସ୍ ଡିଫେଣ୍ଡର୍ସ ପକ୍ଷରୁ ସମ୍ବର୍ଦ୍ଧିତ କରାଯାଇଛି । ରାଜ୍ୟର ଗରିବ ଜନସାଧାରଣଙ୍କୁ ସାମାଜିକ ନ୍ୟାୟ ଦେବା ପାଇଁ ନିଜ ଉଦ୍ୟମରେ ଶହ ଶହ ବ୍ୟକ୍ତିଙ୍କୁ ସହାୟତା ଯୋଗାଇଦେବା ସହିତ କୋଭିଡ ସମୟରେ ଦୁଃସ୍ଥ, ଅସହାୟଙ୍କୁ ଖାଦ୍ୟ, ବସ୍ତ୍ର ଯୋଗାଇଦେବା ସହିତ ଭିନ୍ନକ୍ଷମମାନଙ୍କୁ ହୁଇଲ ଚେୟାର, କ୍ୟାମ୍ପ ମାଧ୍ୟମରେ କୃତିମ ଅଙ୍ଗ ପ୍ରଦାନ କରି ବେଶ୍ ପ୍ରଶଂସିତ ହୋଇଥିଲେ । ଏଥିପାଇଁ କେନ୍ଦ୍ର ସରକାରଙ୍କ ମିନିଷ୍ଟ୍ରି ଅଫ ସୋସିଆଲ ଜଷ୍ଟିସ ଓ ଏମ୍ପାୱାରମେଣ୍ଟ ମନ୍ତ୍ରୀ ରାମଦାସ ଅଠାୱାଲେ ତାଙ୍କୁ ସମ୍ବର୍ଦ୍ଧିତ କରିଥିଲେ ।
