କିଭ୍: ରୁଷିଆ ବିରୋଧୀ ଯୁଦ୍ଧରେ ୟୁକ୍ରେନର ରୋବଟ୍ ସେନା ଏକ ସଫଳ ଅଭିଯାନ ଆରମ୍ଭ କରିଛି। ୟୁକ୍ରେନର ନ୍ୟାସନାଲ ଗାର୍ଡ ବ୍ରିଗେଡ୍ ନିକଟରେ ଏକ ମିଳିତ ରୋବୋଟିକ୍ ଅପରେସନ୍ କରିଥିଲା ଯେଉଁଥିରେ ଭୂମି ଭିତ୍ତିକ ରୋବୋଟିକ୍ ଯାନ ଏବଂ ଡ୍ରୋନ୍ ମିଶି ରୁଷିଆ ଦ୍ବାରା ଅଧିକୃତ ଖାର୍କିଭ୍ ପ୍ରଦେଶରେ ଆକ୍ରମଣ କରିଥିଲା। ୟୁକ୍ରେନର ଏହି ରୋବଟ୍ ସେନା ସେପ୍ଟେମ୍ବରରେ ହୋଇଥିବା ଅପରେସନ୍ ସମୟରେ ମଧ୍ୟ ସଫଳତା ହାସଲ କରିଥିଲା।
ୟୁକ୍ରେନ ଅଭିଯାନରେ ସୁଦୂର ନିୟନ୍ତ୍ରିତ ଫ୍ଲାଇଙ୍ଗ ସିସିଟିଭି ଏବଂ ଖଣି ଖନନକାରୀ ଡ୍ରୋନ୍, ଗ୍ରାଉଣ୍ଡ ଏବଂ ଏରିଆଲ୍ ଏକପାଖିଆ ବ୍ଲାଷ୍ଟର ରୋବଟ୍ ଏବଂ ବନ୍ଧୁକଧାରୀ ବଟ୍ ଅନ୍ତର୍ଭୁକ୍ତ ଥିଲା।
ୟୁକ୍ରେନର ୧୩ତମ ନ୍ୟାସନାଲ ଗାର୍ଡ ବ୍ରିଗେଡର ଜଣେ ମୁଖପାତ୍ର ଏହାକୁ ଏକ ବଡ଼ ଧରଣର ସଫଳତା ବୋଲି କହିଛନ୍ତି। ଏକ ଛୋଟ ସାଇଟରେ ଏକାସାଙ୍ଗରେ ଦଶହଜାର ୟୁନିଟ୍ ରୋବୋଟିକ୍ ଏବଂ ମାନବ ବିହୀନ ଉପକରଣ ବ୍ୟବହାର କରି ରୁଷିଆ ବିରୋଧରେ ୟୁକ୍ରେନ ଏହି ସଫଳତା ହାସଲ କରିଛି।
ୟୁକ୍ରେନ ଏକ ସମୟରେ ରୋବଟ୍ ସେନା ବ୍ୟବହାର କରିଛି ଯେତେବେଳେ ଏହାର ସୈନିକଙ୍କ ସଂଖ୍ୟା କ୍ରମାଗତ ଭାବେ ହ୍ରାସ ପାଉଛି। ୩୪ ମାସର ଯୁଦ୍ଧରେ ହଜାର ହଜାର ୟୁକ୍ରେନ ସୈନିକଙ୍କର ମୃତ୍ୟୁ ଘଟିଛି। ତେବେ ୟୁକ୍ରେନ ସୈନ୍ୟଙ୍କ ତୁଳନାରେ ରୁଷିଆ ପ୍ରାୟ ଦୁଇଗୁଣା ସୈନିକ ଆହତ ହୋଇଛି।
ଅଧିକ ପଢ଼ନ୍ତୁ:୪ ଦେଶଙ୍କ ପାଖରେ ଆମେରିକା ଉପରେ ଆକ୍ରମଣ କରିବା କ୍ଷମତା
ରୋବଟ୍ ତଦାରଖ ଏବଂ ଆକ୍ରମଣ ନେଇ ବିଶେଷଜ୍ଞ କହିଛନ୍ତି ପ୍ରଥମ ବିଜୟ ସତ୍ତ୍ବେ ଏହାର ମଧ୍ୟ ସମସ୍ୟା ରହିଛି। ଅଞ୍ଚଳକୁ ବଜାୟ ରଖିବାରେ ରୋବଟ୍ ଫୋର୍ସ ତଥାପି ଦୁର୍ବଳ ରହିଛି। ଭୂମି ନିୟନ୍ତ୍ରଣ ପାଇଁ କେବଳ ପଦାତିକ ବାହିନୀ ପ୍ରଭାବଶାଳୀ।
ପଦାତିକ ସୈନିକମାନେ ବଙ୍କରରେ ରହି ଶତ୍ରୁ ଆକ୍ରମଣ କଲାବେଳେ ଏହାର ପ୍ରତିକ୍ରିୟା ଦେଇଥାନ୍ତି । କିନ୍ତୁ ଜଣେ ଅପରେଟର ଯୁଦ୍ଧକ୍ଷେତ୍ରଠାରୁ ଦୂରରେ ରହି ରୋବଟ୍ ମାଧ୍ୟମରେ ସ୍ଥିତି ନିରୀକ୍ଷଣ କରି ପ୍ରତିକ୍ରିୟା ପ୍ରକାଶ କରିବା କଷ୍ଟକର ହୋଇଥାଏ।
