ନୂଆଦିଲ୍ଳୀ: ବୁଧବାର ଦିନ ଭାରତର ‘ଅପରେସନ୍ ସିନ୍ଦୂର’କୁ ନେଇ ପ୍ରଶଂସା କରିଛନ୍ତି ପୂର୍ବତନ ଭାରତୀୟ ଟେନିସ୍ ତାରକା ସାନିଆ ମିର୍ଜା। ପ୍ରେସ୍ ବ୍ରିଫିଂ କରୁଥିବା ଦୁଇ ମହିଳା ଅଧିକାରୀଙ୍କ ସଂପର୍କରେ ପ୍ରତିକ୍ରିୟା ଦେଇ ପୂର୍ବତନ ଭାରତୀୟ ଟେନିସ୍ ଖେଳାଳି ସାନିଆ ମିର୍ଜା ସୋସିଆଲ ମିଡିଆରେ ଏକ ଶକ୍ତିଶାଳୀ ବାର୍ତ୍ତା ସେୟାର କରିଛନ୍ତି।
ବୁଧବାର ସକାଳେ ଭାରତୀୟ ସେନା ଏବଂ ବାୟୁସେନା ଦ୍ୱାରା ପାକିସ୍ତାନ ଏବଂ ପାକ୍ ଅଧିକୃତ କଶ୍ମୀରରେ ନଅଟି ଆତଙ୍କବାଦୀ ଶିବିର ଉପରେ ଆକ୍ରମଣ କରିଛନ୍ତି। ‘ଅପରେସନ ସିନ୍ଦୂର’ ବିଷୟରେ ସୂଚନା ଦେବା ପାଇଁ କର୍ଣ୍ଣେଲ ସୋଫିଆ କ୍ୟୁରେସି ଏବଂ ୱିଙ୍ଗ କମାଣ୍ଡର ବ୍ୟୋମିକା ସିଂହ ଓ ବୈଦେଶିକ ସଚିବ ବିକ୍ରମ ମିସ୍ରୀ ଉପସ୍ଥିତ ଥିଲେ। ସାନିଆ ମିର୍ଜା ଭିନ୍ନ ଧର୍ମର ଦୁଇ ମହିଳା ଅଧିକାରୀଙ୍କ ଦ୍ୱାରା ଦିଆଯାଇଥିବା ସୂଚନାକୁ ପାଳନ କରିଛନ୍ତି।
ମିର୍ଜା ସାମ୍ବାଦିକ ଫାୟ ଡି’ସୁଜାଙ୍କ ଏକ ପୋଷ୍ଟ ସେୟାର କରିଛନ୍ତି। ଯିଏ କର୍ଣ୍ଣେଲ ସୋଫିଆ ଏବଂ ୱିଙ୍ଗ କମାଣ୍ଡର ବ୍ୟୋମିକା ଦ୍ୱାରା କରାଯାଇଥିବା ବ୍ରିଫିଂର ପ୍ରତିକ୍ରିୟାରେ ଏପରି କଥା ଲେଖିଛନ୍ତି।
“ଏହି ଅତ୍ୟନ୍ତ ଶକ୍ତିଶାଳୀ ଫଟୋ। ଫଟୋଟିଏ ଏକ ଜାତି ଭାବରେ ଆମେ କିଏ ତାହା ସମ୍ପୂର୍ଣ୍ଣ ଭାବରେ ଦର୍ଶାଉଛି’’, ବୋଲି ଡି’ସୁଜା ପୋଷ୍ଟରେ ଲେଖିଛନ୍ତି। ଯାହାକୁ ପରେ ମିର୍ଜା ସେୟାର କରିଛନ୍ତି।
