। କବି ବିଶ୍ଵନାଥ ନିଜ ଲେଖାରେ କହିଛନ୍ତି କି, ଉତ୍କଳ ରେ ରହିଅଛି ସ୍ଵର୍ଗଦ୍ଵାର । କାରଣ ଏଠାକୁ ଅନେକ ଲୋକ ମୁକ୍ତି ପାଇବା ଆଶାରେ ଦୂର ଦୂରରୁ ଆସିଥାନ୍ତି । ଯେତେବେଳେ ପ୍ରଶ୍ନ ଉଠିଲା ଆମ ଓଡିଶାରେ ଏପରି କେଉଁ ସ୍ଥାନ ରହିଅଛି, ଯାହାକି ମନୁଷ୍ୟକୁ ମୁକ୍ତି କରାଇ ପାରିବ ? ସେତେବେଳେ ମାନ୍ୟବର କବି ବିଶ୍ଵନାଥ କହିଲେ ” ଉତ୍କଳ ରେ ରହିଅଛି ସ୍ଵର୍ଗଦ୍ଵାର ” । ଅର୍ଥାତ ସ୍ଵର୍ଗ କୁ ଯିବା ପାଇଁ ବାଟ ।
ବନ୍ଧୁଗଣ ଏହି କଥାକୁ ଶୁଣିଲା ପରେ ମନକୁ ଟିକେ ସନ୍ଦେହ ମଧ୍ୟ ଆସିଥାଏ । କାରଣ ପୁରାଣ ରେ ବର୍ଣ୍ଣିତ ହୋଇଅଛି ଯେ ମହାଭାରତ ଯୁଦ୍ଧ ଶେଷ ହେବାପରେ ପାଣ୍ଡବ ମାନେ ସ୍ଵର୍ଗକୁ ହିମାଳୟ ବାଟ ଦେଇ ଯାଇଥିଲେ । କିନ୍ତୁ ବନ୍ଧୁଗଣ ଏହିଠାରେ କବି କହିଛନ୍ତି ଉତ୍କଳର ନୀଳାଞ୍ଚଳ କ୍ଷେତ୍ରରେ ରହିଅଛି ସ୍ଵର୍ଗଦ୍ଵାର ।
ବନ୍ଧୁଗଣ ଏହି କଥା ବିଷୟରେ ଏକ କିମ୍ବଦନ୍ତି ମଧ୍ୟ ରହିଅଛି । ଅତୀତରେ ପ୍ରଥମ ଦିବ୍ୟ ସିଂ ରାଜା ଙ୍କର ରାଜତ୍ଵ କାଳରେ ସେ ଏକ ବ୍ରାହ୍ମଣଙ୍କୁ ହତ୍ୟା କରି ବ୍ରହ୍ମ ହତ୍ୟା ମହାରାଜ ଆପଣ ସ୍ଵର୍ଗର ରାଜା ତଥା ବର୍ଷା ର ଦେବତା ଇନ୍ଦ୍ର ଦେବଙ୍କୁ ଚିଠି ଲେଖନ୍ତୁ, ସେ ନିଶ୍ଚୟ ବର୍ଷା କରିବେ । ଏହା ଶୁଣି ରାଜା ମନ୍ତ୍ରୀଙ୍କୁ ଆଦେଶ ଦେଲେ ସେ ସାତ ଦିନ ମଧ୍ୟରେ ଚିଠି ଲେଖି ଇନ୍ଦ୍ରଙ୍କୁ ପଠାଇବେ, ନଚେତ ତାଙ୍କର ମୁଣ୍ଡ କାଟ ହେବ ।
ଏହା ଶୁଣି ମନ୍ତ୍ରୀ ଚିଠି ଲେଖିଦେଲେ । କିନ୍ତୁ ଚିନ୍ତାରେ ପଡିଗଲେ କି ଏବେ ସ୍ଵର୍ଗର ରାଜା ଇନ୍ଦ୍ରଙ୍କୁ ଚିଠିଟି ଦେବେ କିପରି ? ଏହି ସମୟରେ ମନ୍ତ୍ରୀ ଙ୍କର ପତ୍ନୀ ମନ୍ତ୍ରୀଙ୍କୁ କହିଲେ ଆପଣ ଚିଠି ଡାକବାଲା ହାତରେ ଦେଇ ଦିଅନ୍ତୁ । ସେ ବୁଝିବ ସେ ଇନ୍ଦ୍ରଙ୍କୁ କିପରି ଦେବ । ଏହା ଶୁଣି ମନ୍ତ୍ରୀ ଖୁସିଖୁସି ଚିଠି ଟିକୁ ନେଇ ଡାକବାଲା ହାତରେ ଦେଇ କହିଲେ ସାତ ଦିନ ମଧ୍ୟରେ ଯଦି ଇନ୍ଦ୍ରଙ୍କୁ ଚିଠି ଟି ନ ପହଞ୍ଚିବ ତେବେ ମୁଣ୍ଡ କାଟ ହେବ । ଏହା କହି ମନ୍ତ୍ରୀ ମଧ୍ୟ ଚାଲିଗଲେ ।
ବନ୍ଧୁଗଣ ମନ୍ତ୍ରୀ ଭଳି ବର୍ତ୍ତମାନ ଡାକବାଲା ମଧ୍ୟ ଚିନ୍ତିତ ରହିବାକୁ ଲାଗିଲେ । ଡାକବାଲାର ଚିନ୍ତା ଦେଖି ଡାକବାଲା ର ପତ୍ନୀ କହିଲା ସ୍ଵାମୀ ପ୍ରତିଦିନ ଶ୍ରୀମନ୍ଦିରକୁ ୩୩କୋଟି ଦେବୀ ଦେବତା ବଡ ଠାକୁର ଙ୍କର ଦର୍ଶନ କରିବାକୁ ଆସିଥା’ନ୍ତି । ତେବେ ଆପଣ ଯାଇ ମନ୍ଦିରର ଦ୍ଵାରପାଳ ଙ୍କ ହାତରେ ଏହି ଚିଠି ଟିକୁ ଦେଇଦିଅ, ସେ ଇନ୍ଦ୍ରଙ୍କ ଆସିବା ମାତ୍ରେ ତାଙ୍କୁ ଚିଠି ଟି ଦେଇ ଦେବ । ଏହା ଶୁଣି ଡାକବାଲା ମଧ୍ୟ ଖୁସିଖୁସି ଯାଇ ଚିଠି ଟିକୁ ଦ୍ଵାରପାଳ ହାତରେ ଦେଇ କହିଲା ଯେତେବେଳେ ସ୍ଵର୍ଗରୁ ଇନ୍ଦ୍ର ଆସିବେ ସେତେବେଳେ ଏହି ଚିଠି ଟି ତାଙ୍କୁ ଦେଇ ଦବୁ ।
ଯଦି ସାତ ଦିନ ମଧ୍ୟରେ ବର୍ଷା ନ ହୁଏ ତେବେ ରାଜଙ୍କର ଆଦେଶ ଅଛି ତୁମର ମୁଣ୍ଡକାଟ ହେବ । ଏହା କହି ଡାକବାଲା ମଧ୍ୟ ଚାଲିଗଲା । ବର୍ତମାନ ବନ୍ଧୁଗଣ ଦ୍ଵାରପାଳ ବିଚାର ଚିନ୍ତା କରେ କି ମୁଁ ଇନ୍ଦ୍ରଙ୍କୁ ଚିହ୍ନିବି କିପରି ? ଏହା ଚିନ୍ତା କରି ସେ ଚିଠି ଟିକୁ ହାତରେ ଧରି ଇନ୍ଦ୍ର ଚିଠି ନିଅ । ଇନ୍ଦ୍ର ଚିଠି ନିଅ.. କହି ଜପିବାକୁ ଲାଗିଲା । ସେହି ଦିନ ରାତିରେ ଯେତେବେଳେ ଇନ୍ଦ୍ର ଶ୍ରୀ ମଦିରକୁ ଶ୍ରୀ ଜୀଉଁ ଙ୍କର ଦର୍ଶନ ପାଇଁ ଆସିଲେ ସେତେବେଳେ ଦ୍ଵାରପାଳ ହାତରୁ ଚିଠି କୁ ନେଇ ରାଜା ଙ୍କର ସନ୍ଦେଶ ଟିକୁ ପଢି ପ୍ରତି ଉତ୍ତର ରେ ଅନ୍ୟ ଏକ ଚିଠି ଟିକୁ ଦ୍ଵାର ପାଳ ହାତରେ ଦେଇ ଦେଲେ ।
ଏହି ସମୟରେ ଦ୍ଵାରପାଳ ଇନ୍ଦ୍ରଙ୍କୁ ଚିହ୍ନି ପାରି ତାଙ୍କୁ ସସନମ୍ମାନରେ ରେ ସମ୍ମାନିତ କଲା ଏହା ଦେଖି ଇନ୍ଦ୍ର ପ୍ରସନ୍ନ ହୋଇ ସେହି ଦ୍ଵାରପାଳ ସହ ନିଜର ମିତ୍ରତା ସ୍ଥାପନା କରି ଚାଲିଗଲେ । କିନ୍ତୁ ଦ୍ଵାରପାଳ ଟି ଇନ୍ଦ୍ର ଙ୍କର ଯିବା ସମୟରେ ତାଙ୍କର ପିଛା କରିବାକୁ ଲାଗିଲା । ସେ ଦେଖିଲା ଶ୍ରୀ ମନ୍ଦିରର ଦକ୍ଷିଣ ଦିଗରେ କିଛି ଦୂର ଯିବା ପରେ ସମୁଦ୍ର କୂଳରେ ଏକ ସ୍ଥାନ ରହିଛି, ଯେଉଁଠାରୁ କି ଦେବତା ମାନେ ସ୍ଵର୍ଗକୁ ଯିବା ଆସିବା କରନ୍ତି ।
ସେହି ସ୍ଥାନ ଟିକୁ ଦ୍ଵାରପାଳ ଚିହ୍ନଟ କରି ସବୁକଥା ଯାଇ ରାଜାଙ୍କୁ ଜଣାଇଲା ।ପରେ ୭ ଦିନ ମଧ୍ୟରେ ଇନ୍ଦ୍ର ଙ୍କର କହିବା ଅନୁସାରେ ରାଜ୍ୟରେ ବର୍ଷା ମଧ୍ୟ ହେଲା । ଏହାପରେ ଯେଉଁ ସ୍ଥାନରୁ ଦେବତା ମାନେ ଯାତାୟତ କରୁଥିଲେ ସେହି ସ୍ଥାନରେ ସ୍ଵର୍ଗଦ୍ଵାର ର ନିର୍ମାଣ ହେଲା । ସେହି ଦିନଠାରୁ ଶ୍ରୀକ୍ଷେତ୍ର ବାସୀ ଶବ କୁ ଅନ୍ୟକୌଣସି ଶ୍ମଶାନ କୁ ନ ନେଇ ସ୍ଵର୍ଗଦ୍ଵାର କୁ ନେବା ଆରମ୍ଭ କଲେ ।
