ଯୁବକଙ୍କୁ ରାସ୍ତାରେ ମରଣାନ୍ତକ ଆକ୍ରମଣ, କୁଜଙ୍ଗରେ ତୀବ୍ର ଉତ୍ତେଜନା

ପୀଡ଼ିତ ଯୁବକ ହେଉଛନ୍ତି ବାବୁଲା ତରାଇଙ୍କ ପୁଅ ଗୁଗୁଲ ତରାଇ।

ଅଭିଯୋଗ ଅନୁସାରେ ଗୁଗୁଲ୍ ତରାଇ ବାଇକ୍ ଯୋଗେ ତାଳଦଣ୍ଡାରୁ ଫେରୁଥିବା ବେଳେ ତାଙ୍କୁ କୋଠିଆ ସାହି ନିକଟରେ ସଂଘବଦ୍ଧ ଭାବେ କେତେକ ଯୁବକ ଆକ୍ରମଣ କରିଥିଲେ। ଜାତିଗତ ଆକ୍ଷେପ କରିବା ସହ ତାଙ୍କ ମୁଣ୍ଡକୁ ଫାର୍ସାରେ ହାଣିବା ସହ ଦୁଇ ହାତ ଗୋଡ଼କୁ ବାଡେଇ ଭାଙ୍ଗି ଦେଇଥିଲେ। ଆକ୍ରମଣର କାରଣ ଜଣା ପଡି ନଥଲେ ବି ଗତ କିଛି ମାସ ତଳେ ଏକ ପୂର୍ବ ଶତ୍ରୁତାକୁ ନେଇ ଆକ୍ରମଣ ହୋଇଥିବା ସୂଚନା ମିଳିଛି। ଆହତ ଯୁବକ ଜଣକ ଏକ ଭିଡିଓ ବାର୍ତ୍ତାରେ ଜଗନ୍ନାଥପୁର ଗ୍ରାମର ଅନେକ ଯୁବକଙ୍କ ନାମ କହୁଥିବା ବେଳେ ସେ ମନ୍ତ୍ରୀଙ୍କ ଲୋକl ତାଙ୍କ ନାମରେ ଥାନାରେ ଅଭିଯୋଗ କଲେ କିଛି ହେବନି ବୋଲି ସେମାନେ କହୁଥିବା କହିଛନ୍ତି।

ସେହିପରି ତାର ମୋବାଇଲ,ସୁନାଚେନ୍ ଓ ୧୩ହଜାର ଟଙ୍କା ଆକ୍ରମଣକାରୀ ଲୁଟି ନେଇଥିବା ସେ ଅଭିଯୋଗ କରିଛନ୍ତି। ଘଟଣା ପରେ ଜଗନ୍ନାଥପୁର ଓ ବଳରାମପୁର ସମେତ କୁଜଙ୍ଗରେ ତୀବ୍ର ଉତ୍ତେଜନା ପ୍ରକାଶ ପାଇଛି।