ଆଜି କରବାଚୌଥ ବ୍ରତ । ସଧବା ନାରୀମାନେ ନିଜ ସ୍ବାମୀ ଓ ପରିବାରଙ୍କ ମଙ୍ଗଳ ମନାସୀ ଏହି ବ୍ରତ ରଖିଥାନ୍ତି । ଅବଶ୍ୟ ଏହା ଏକ ଅଣଓଡ଼ିଆ ପର୍ବ । ଏଥିରେ ବ୍ରତଧାରୀମାନେ ଦିନ ସାରା ପୂଜାପାଠ କରିବା ପରେ ସନ୍ଧ୍ୟାରେ ଚନ୍ଦ୍ର ଦର୍ଶନ କରି ଅର୍ଘ୍ୟ ଦେବା ପରେ ସ୍ବାମୀଙ୍କ ହାତରୁ ଜଳ ଗ୍ରହଣ କରନ୍ତି । ଆଜିର ଦିନରେ ପ୍ରଭୁ ଶିବ ପାର୍ବତୀଙ୍କ ସହ ଗଣେଶ ଏବଂ କରବା ମାତାଙ୍କ ପୂଜା କରାଯାଏ । ଜ୍ୟୋତିଷଙ୍କ ଅନୁସାରେ ଆଜିର ଦିନରେ ବହୁ ଦୁର୍ଲଭ ଯୋଗ ସବୁ ପଡୁଛି । ତେଣୁ ବ୍ରତଧାରୀଙ୍କ ପାଇଁ ବହୁତ ସୌଭାଗ୍ୟ ଆଣିଦେବ ।
