ଶାସ୍ତ୍ର ଅନୁସାରେ ପିତୃପୁରୁଷମାନେ ଗନ୍ଧ ରସରେ ସନ୍ତୁଷ୍ଟ ହୋଇଥାନ୍ତି । ଶ୍ରାଦ୍ଧକ୍ଷେତ୍ରରେ ପିତୃପୁରୁଷଙ୍କ ପିଣ୍ଡ ଦାନ ଏବଂ ତର୍ପଣରେ ସ୍ୱତନ୍ତ୍ର ପ୍ରକାରର ଫୁଲ ବ୍ୟବହାର କରାଯାଏ । କୁହାଯାଏ ଯେ ପୂଜାରେ ଯଦି ଫୁଲ ବ୍ୟବହାର କରାଯାଏ ନାହିଁ, ତେବେ ପୁର୍ବଜଙ୍କ ଶ୍ରାଦ୍ଧ ରୀତିନୀତି ସମାପ୍ତ ହୁଏ ନାହିଁ। ତେବେ ଶ୍ରାଦ୍ଧ ପାଇଁ କାହିଁକି ବ୍ୟବହାର ହୁଏ ଫୁଲ ଏବଂ ଏହାର ମହତ୍ତ୍ବ କଣ ଜାଣନ୍ତୁ ।
‘କାଶତଣ୍ଡିର ଫୁଲ ବିନା ଶ୍ରାଦ୍ଧ ଅସମ୍ପୂର୍ଣ୍ଣ:
ପିତୃ ପକ୍ଷ ସମୟରେ ଶ୍ରାଦ୍ଧ ପୂଜା ଅନ୍ୟ ପୂଜାପାଠ ଠାରୁ ସମ୍ପୂର୍ଣ୍ଣ ଭିନ୍ନ ବୋଲି ବିବେଚନା କରାଯାଏ। ଏହି ପୂଜାରେ କିଛି ଜିନିଷର ବିଶେଷ ଯତ୍ନ ନିଆଯିବା ଉଚିତ୍ । କାରଣ ଏହା ମୃତକ ଆତ୍ମୀୟଙ୍କ ପାଇଁ ସମ୍ପୂର୍ଣ୍ଣ ଉତ୍ସର୍ଗୀକୃତ । ଶ୍ରାଦ୍ଧ ରୀତିନୀତିରେ କାଶତଣ୍ଡି ଫୁଲ ବ୍ୟବହାର କରାଯିବା ଉଚିତ ବୋଲି ବିଶ୍ୱାସ କରାଯାଏ।
ପିତୃପୁରୁଷମାନେ ଏଥିରେ ସନ୍ତୁଷ୍ଟ ହୁଅନ୍ତି । ପିତୃପକ୍ଷରେ କାଶତଣ୍ଡି ଭୁଲ ବ୍ୟବହାର ହୁଏ । ଏହା ସହିତ ଶରତରେ ଦେବାଦେବୀଙ୍କ ଆଗମନ ମଧ୍ୟ ଏହି କାଶତଣ୍ଡି ଫୁଲ ଦ୍ବାରା ସୂଚିତ ହୁଏ ।
ଶ୍ରାଦ୍ଧରେ କେଉଁ ଫୁଲ ବ୍ୟବହାର କରିବା ଉଚିତ?
ପିତୃ ପକ୍ଷ ସମୟରେ ଚମ୍ପା, ମାଳତି, ଜୁହୀ ଏବଂ ଅନ୍ୟାନ୍ୟ ଧଳା ଫୁଲଗୁଡିକ ବ୍ୟବହାର କରାଯାଇପାରିବ । ତର୍ପଣ ସମୟରେ ଜଳ, କଳା ତିଳକ ସହ ଏକ ଫୁଲ ନେଇ ଅର୍ପଣ କରିବା ଉଚିତ । ଏହା କଲେ ପିତୃ ପୁରୁଷ ଆଶୀର୍ବାଦ ପ୍ରଦାନ କରିଥାନ୍ତି ।
ଏହି ଫୁଲଗୁଡିକୁ ଭୁଲରେ ବି କରନ୍ତୁନି ବ୍ୟବହାର:
ପିତୃ ପକ୍ଷରେ ଶ୍ରାଦ୍ଧ ଦେବା ସମୟରେ କିଛି ନିୟମ ନିହାତି ମାନିବା ଉଚିତ । କେଉଁ ଫୁଲ ବ୍ୟବହାର କରିବେ ଏବଂ କେଉଁ ଫୁଲ ବ୍ୟବହାର କରିବେନି ତାହା ମଧ୍ୟ ନିୟମରେ ରହିଛି । ତେବେ ପିତୃ ପକ୍ଷରେ ବେଲ ପତ୍ର, କଦମ୍ବ, କରବୀର, କେଓ୍ବଡା, ଲାଲ୍ ଏବଂ କଳା ରଙ୍ଗର କୌଣସି ଫୁଲ ବ୍ୟବହାର କରିବା ନିଷେଧ।
ଶାସ୍ତ୍ର ଅନୁଯାୟୀ, ପୂର୍ବପୁରୁଷମାନେ ସେମାନଙ୍କୁ ଦେଖିବା ପରେ ଅସନ୍ତୁଷ୍ଟ ହୁଅନ୍ତି ଏବଂ ଜଳ ଓ ଖାଦ୍ୟ ନଖାଇ ଚାଲିଯାନ୍ତି । ଏହି କାରଣରୁ ପରିବାର ସଦସ୍ୟଙ୍କୁ ଭବିଷ୍ୟତରେ ଆର୍ଥିକ ସମସ୍ୟାର ସାମ୍ନା କରିବାକୁ ପଡିପାରେ। ମନେରଖନ୍ତୁ ଯେ ପିତୃ ପକ୍ଷରେ ତୁଳସୀ ପତ୍ର ମଧ୍ୟ ବ୍ୟବହାର କରାଯାଏ ନାହିଁ ।
