ନିର୍ବନ୍ଧ କଲେ ତାରା ସୂତାରିଆଙ୍କ Ex ବୟଫ୍ରେଣ୍ଡ ଆଦାର ଜୈନ, ଇନଷ୍ଟାରେ ସେୟାର କଲେ ପୋଷ୍ଟ
ନୂଆଦିଲ୍ଲୀ ୦୨।୦୯: ତାରା ସୂତାରିଆ-ଆଦାର ଜୈନ ନ ଇଣ୍ଡଷ୍ଟ୍ରିର ଆଇଟି କପଲ ଥିଲେ। ଉଭୟେ ୨୦୨୦ରେ ସେମାନଙ୍କର ସମ୍ପର୍କକୁ ଅଫିସିଆଲ୍ କରିଥିଲେ। ହେଲେ କିଛି ବର୍ଷ ପରେ ସେମାନେ ବ୍ରେକଅପ୍ କରିଥିଲେ। ଆଦାରଙ୍କ ଜୀବନରେ ତାରାଙ୍କ ବେଷ୍ଟ ଫ୍ରେଣ୍ଡ ଅଲେଖା ଆଡଭାନୀ ଏଣ୍ଟ୍ରି କରିଥିଲେ। ଅଭିନେତା ବର୍ତ୍ତମାନ ସମ୍ପର୍କକୁ ଆଗକୁ ବଢାଇବାକୁ ନିଷ୍ପତ୍ତି ନେଇଛନ୍ତି।
ଆଦାର ତାଙ୍କ ଲେଡି ଲଭକୁ ଏକ ସୁନ୍ଦର ସ୍ଥାନରେ ପ୍ରପୋଜାଲ ଦେଇଛନ୍ତି। ଯାହା ସମସ୍ତ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଦେଇଛି।
ସେପ୍ଟେମ୍ବର ୧ ତାରିଖରେ ଆଦାର ଜୈନ ଏବଂ ଅଲେଖା ଇନଷ୍ଟାଗ୍ରାମରେ ଏକ ମିଳିତ ପୋଷ୍ଟ ସେୟାର କରିଥିଲେ। ଯେଉଁଥିରେ ଉଭୟେ ସେମାନଙ୍କର ବିଶେଷ ଦିନର ଝଲକ ଦେଖାଇଥିଲେ। ଆଦାର ତାଙ୍କ ଲେଡି ଲଭକୁ ପ୍ରପୋଜ କରିବା ପାଇଁ ସମୁଦ୍ର କୂଳକୁ ବାଛିଥିଲେ । ଆଧାର ଏହି ସୁନ୍ଦର ମୂହୁର୍ତ୍ତ ଗୁଡିକର ଫଟୋ ସେୟାର କରିବାବେଳେ, କପଲ କ୍ୟାପସନରେ ଲେଖିଥିଲେ, ‘ମୋର ପ୍ରଥମ କ୍ରସ୍, ମୋର ବେଷ୍ଟଫ୍ରେଣ୍ଡ ଏବଂ ବର୍ତ୍ତମାନ ମୋର ସବୁକିଛି’ ।
ଏହି ପୋଷ୍ଟଟି ସେୟାର ହେବା ମାତ୍ରେ ତାଙ୍କ ସମ୍ପର୍କୀୟ, ସେଲିବ୍ରେଟି ଏବଂ ସାଙ୍ଗମାନଙ୍କ ପ୍ରତିକ୍ରିୟା ଆସିବାକୁ ଲାଗିଲା। ଆଦାରଙ୍କ ସମ୍ପର୍କୀୟ ଭଉଣୀ କରୀନା କପୁର ଅଭିନନ୍ଦନ ଜଣାଇ ଲେଖିଛନ୍ତି, ‘ମେହେନ୍ଦୀ ଲଗା କେ ରଖନା… ଡୋଲି ସଜା କେ ରଖନା …’। ଏହି ସମୟରେ କରିସ୍ମା କପୁର, ରିଦ୍ଧିମା ଅନସୁଲା କପୁର ଏବଂ ଶନୟା କପୁର ଏହି କପଲଙ୍କୁ ଅଭିନନ୍ଦନ ଜଣାଇଛନ୍ତି। ଅନନ୍ୟା ପାଣ୍ଡେ ଲେଖିଛନ୍ତି, ଅଭିନନ୍ଦନ। ବହୁତ ସୁନ୍ଦର ।
କହିବାକୁ ଗଲେ ଯେ ଆଦାର ପୂର୍ବରୁ ତାରା ସୂତାରିଆଙ୍କୁ ଡେଟ କରୁଥିଲେ। ୨୦୧୮ରେ କରଣ ଜୋହରଙ୍କ ଦିୱାଲୀ ପାର୍ଟୀରେ ତାରା ଏବଂ ଆଦାର ପ୍ରଥମ ଥର ପାଇଁ ସାକ୍ଷାତ ହୋଇଥିଲେ । ୨୦୨୦ରେ ସେମାନେ ଇନଷ୍ଟାଗ୍ରାମରେ ସେମାନଙ୍କର ସମ୍ପର୍କକୁ ଅଫିସିଆଲ୍ କରିଥିଲେ। ଉଭୟଙ୍କ ମଧ୍ୟରେ ସମ୍ପର୍କ ବହୁତ ପାୱାରଫୁଲ ଥିଲା । କିନ୍ତୁ ଗତ କିଛି ବର୍ଷ ଧରି ଦୁହିଁଙ୍କ ମଧ୍ୟରେ ଦୂରତା ଆସିଯାଇଥିଲା । ସେମାନଙ୍କ ଅଲଗା ହେବାର କାରଣ ସମ୍ପର୍କରେ ଏପର୍ଯ୍ୟନ୍ତ କୌଣସି ସୂଚନା ମିଳିନାହିଁ।
