ରାଞ୍ଚି: ଝଡଖଣ୍ଡରେ ରାଜନୈତିକ ହଟଚମଟ ଦେଖିବାକୁ ମିଳିଛି। ଝାଡଖଣ୍ଡ ମୁକ୍ତି ମୋର୍ଚ୍ଚା (ଜେଏମଏମ) ବିଧାୟକ ତଥା ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ପତ୍ନୀ କଳ୍ପନା ସୋରେନ ସୋମବାର ଏକ ବଡ ଅଭିଯୋଗ କରିଛନ୍ତି। ରାଜ୍ୟରେ ବିଧାନସଭା ନିର୍ବାଚନ ସମୟ ପୂର୍ବରୁ କରାଯିବା ବିଜେପିର ଷଡଯନ୍ତ୍ରବୋଲି ସେ କହିଛନ୍ତି ।
ଉଭୟ ସହରାଞ୍ଚଳ ତଥା ଗ୍ରାମାଞ୍ଚଳରେ ନିର୍ବାଚନ ସମୟ ପାଞ୍ଚ ପର୍ଯ୍ୟାୟରୁ ଦୁଇ ପର୍ଯ୍ୟାୟ ହ୍ରାସକୁ ନେଇ କଳ୍ପନା ଉଦ୍ବେଗ ପ୍ରକାଶ କରିଛନ୍ତି।
ଗିରିଡିହରେ ଏକ ନିର୍ବାଚନ ରାଲିରେ ଯୋଗ ଦେଇ ସେ ଦାବି କରିଛନ୍ତି ଯେ ନିର୍ବାଚନ ଏଜେନ୍ସି ଉପରେ ବିଜେପି ଏହାର ପ୍ରଭାବକୁ ଦୃଢ଼ କରୁଛି।
ସେ ଅଭିଯୋଗ କରିଛନ୍ତି, ରାଜ୍ୟରେ ବିଧାନସଭା ନିର୍ବାଚନ ନିର୍ଦ୍ଧାରିତ ସମୟ ପୂର୍ବରୁ ଅନୁଷ୍ଠିତ ହେଉଛି। ମହାରାଷ୍ଟ୍ରରେ ନିର୍ବାଚନ ଠିକ୍ ସମୟରେ ଅନୁଷ୍ଠିତ ହୋଇଥିବାବେଳେ ଝାଡଖଣ୍ଡ ଏଥିରେ ଅପ୍ରତ୍ୟାଶିତ ଭାବରେ ଅନ୍ତର୍ଭୁକ୍ତ ହୋଇଛି।
ବିଜେପିକୁ ଟାର୍ଗେଟ କରି ସେ କହିଛନ୍ତି, ଦଳ ହେମନ୍ତ ସୋରେନଙ୍କୁ ମୁଖ୍ୟମନ୍ତ୍ରୀ ଭାବେ ଜେଲ୍ରେ ରଖିବାକୁ ଚେଷ୍ଟା କରିଛି। ସେ କହିଛନ୍ତି, ସେମାନେ ହୁଏତ ସୋରେନଙ୍କୁ ଜେଲ୍ରେ ରଖିବାରେ ସଫଳ ହୋଇନାହାନ୍ତି, କିନ୍ତୁ ସେମାନେ ଆମ ରାଜ୍ୟର ଆତ୍ମ ସମ୍ମାନ ଉପରେ ଆକ୍ରମଣ କରିଛନ୍ତି।
ସୂଚନାଯୋଗ୍ୟ, ନଭେମ୍ବର ୧୩ ଏବଂ ନଭେମ୍ବର ୨୦ରେ ଝାଡଖଣ୍ଡରେ ମତଦାନ ହେବାକୁ ଥିବାବେଳେ ଭୋଟ୍ ଗଣତି ନଭେମ୍ବର ୨୩ରେ ହେବ।
