ସିରିଜ୍ ୧-୧ରେ ବରାବର ରହିଛି। ଏବେ ଦୁଇ ଦଳ ମଧ୍ୟରେ ତୃତୀୟ ଟି-୨୦ ଆସନ୍ତାକାଲି ସେଞ୍ଚୁରିୟନରେ ଖେଳାଯିବ। ଏହି ମୁକାବିଲାରେ ଭାରତୀୟ ଦଳର ଚୂଡ଼ାନ୍ତ ଏକାଦଶରେ ପରିବର୍ତ୍ତନ ସମ୍ଭାବନା ରହିଛି। ବିଶେଷ କରି ଓପନର ଅଭିଷେକ ଶର୍ମା ଓ ଦ୍ରୁତ ବୋଲର ଅଭେଶ ଖାନଙ୍କୁ ଚୂଡ଼ାନ୍ତ ଏକାଦଶରେ ସ୍ଥାନ ମିଳିବା ନେଇ ସନ୍ଦେହ ରହିଛି।
ଆଇିସିସିକୁ ପିସିବିର ରୋକ୍ଠୋକ୍, ଏବେ ପାକିସ୍ତାନ ବି ଭାରତ ସହିତ ମ୍ୟାଚ୍ ଖେଳିବନି !
ପ୍ରଥମ ଟି-୨୦କୁ ୬୧ ରନରେ ଜିତିଥିବା ଭାରତ ଦ୍ଵିତୀୟ ଟି-୨୦ରେ ୧୨୪ ରନ କରି ପାରିଥିଲା। ତଥାପି ଗୋଟିଏ ସମୟ ଭାରତ ହାତରେ ମ୍ୟାଚ୍ ଥିଲା। ୭ ଓ୍ଵିକେଟ୍ ପତନ ପରେ ଟ୍ରିଷ୍ଟନ ଷ୍ଟବ୍ସ ଓ ଗେରାଲଡ କୋଏତଜି ଦମଦାର ବ୍ୟାଟିଂ କରି ଭାରତ ମୁହଁରୁ ବିଜୟ ଛଡ଼ାଇ ଆଣିଥିଲେ। ଆଉ ଆସନ୍ତାକାଲି ତୃତୀୟ ମ୍ୟାଚ୍ ରୋମାଞ୍ଚକର ହେବ ବୋଲି ଆଶା କରାଯାଉଛି।
ବାଦ୍ ପଡ଼ିବେ କି ଅଭିଷେକ ଶର୍ମା !
ଭାରତର ଯୁବ ଓପନର ଅଭିଷେକ ଶର୍ମା ପ୍ରଥମ ଦୁଇଟି ଟି-୨୦ରେ ଆଶାନୁରୂପ ପ୍ରଦର୍ଶନ କରି ପାରି ନାହାନ୍ତି। ତେଣୁ ତାଙ୍କୁ ତୃତୀୟ ଟି-୨୦ରେ ବାଦ୍ ଦିଆଯାଇପାରେ। ଯଦି ତାଙ୍କୁ ଚୂଡ଼ାନ୍ତ ଏକାଦଶରେ ସ୍ଥାନ ନ ମିଳେ ତେବେ ତିଳକ ବର୍ମା କିମ୍ବା ଜିତେଶ ଶର୍ମା ଇନିଂସ ଓପନ କରି ପାରନ୍ତି। କିନ୍ତୁ ଏହା ଦଳ ପ୍ରବନ୍ଧକଙ୍କ ଭୁଲ୍ ନିଷ୍ପତ୍ତି ହୋଇପାରେ।
ଦ୍ରୁତ ବୋଲିଂରେ ମଧ୍ୟ ପରିବର୍ତ୍ତନ କରାଯାଇପାରେ। ଅଭେଶ ଖାନ ଏ ପର୍ଯ୍ୟନ୍ତ ପ୍ରଭାବଶାଳୀ ପ୍ରଦର୍ଶନ କରିରାରେ ସଫଳ ହୋଇ ନାହାନ୍ତି। ଏମିତିରେ ତାଙ୍କ ସ୍ଥାନରେ ୟଶ ଦୟାଲ କିମ୍ବା ବିଜୟ କୁମାର ବୈଶାକଙ୍କୁ ପଦାର୍ପଣର ସୁଯୋଗ ମିଳିପାରେ। ଦଳରେ ପ୍ରଥମରୁ ଅର୍ଶଦୀପ ସିଂଙ୍କ ରୂପେ ଜଣେ ବାମହାତୀ ବୋଲର ଥିବାରୁ ୟଶ ଦୟାଲଙ୍କୁ ସୁଯୋଗ ମିଳିବାର ଆଶା କମ ରହିଛି।
୩ୟ ଟି-୨୦ ପାଇଁ ଭାରତୀୟ ଦଳର ସମ୍ଭାବିତ ଚୂଡ଼ାନ୍ତ ଏକାଦଶ
ଅଭିଷେକ ଶର୍ମା, ସଞ୍ଜୁ ସାମସନ(ଓ୍ଵିକେଟ୍ କିପର), ସୂର୍ଯ୍ୟକୁମାର ଯାଦବ(ଅଧିନାୟକ), ତିଳକ ବର୍ମା, ରିଙ୍କୁ ସିଂ, ହାର୍ଦ୍ଦିକ ପାଣ୍ଡ୍ୟା, ଅକ୍ଷର ପଟେଲ୍, ବରୁଣ ଚକ୍ରବର୍ତ୍ତୀ, ରବି ବିଷ୍ଣୋଇ, ଅଭେଶ ଖାନ/ବିଜୟ କୁମାର ବୈଶାକ, ଅର୍ଶଦୀପ ସିଂ
