ଆମେରିକାର ରାଷ୍ଟ୍ରପତି ନିର୍ବାଚନ 2024 ଉପରେ ସାରା ବିଶ୍ୱର ନଜର । ବରଂ, ଏକ ପ୍ରମୁଖ ଅର୍ଥନୈତିକ ଏବଂ ସାମରିକ ଶକ୍ତି ଭାବରେ, ଆମେରିକାର ନୀତି ଏବଂ ରଣନୀତି ଅର୍ଥନୈତିକ ବିକାଶ ଠାରୁ ଆରମ୍ଭ କରି ଶାନ୍ତି ରକ୍ଷା ଉଦ୍ୟମ ପର୍ଯ୍ୟନ୍ତ ସବୁକିଛି ପ୍ରଭାବିତ କରିବ ।
ବିଶ୍ୱର ସବୁଠାରୁ ଶକ୍ତିଶାଳୀ ଦେଶ ତଥା ବୃହତ୍ତମ ଅର୍ଥନୀତି ଭାବରେ ଆମେରିକାର ନୀତି ଏବଂ ନିଷ୍ପତ୍ତି ବିଶ୍ୱ ସମ୍ପର୍କ, ଅର୍ଥନୀତି ଏବଂ କୂଟନୀତି ଉପରେ ବହୁ ପ୍ରଭାବ ପକାଇଥାଏ ।
2024 ଆମେରିକୀୟ ନିର୍ବାଚନର ଫଳାଫଳ ଆମେରିକାର ବୈଦେଶିକ ନୀତି, ବାଣିଜ୍ୟ ଚୁକ୍ତି, ପ୍ରତିରକ୍ଷା ରଣନୀତି ଏବଂ ବିଶ୍ୱ ବଜାର ଉପରେ ମଧ୍ୟ ପ୍ରଭାବ ପକାଇବ।
ଆମେରିକାର ରାଷ୍ଟ୍ରପତି ନିର୍ବାଚନ 2024 ଭାରତକୁ ବିଶେଷ ଭାବରେ ପ୍ରତିରକ୍ଷା, ବାଣିଜ୍ୟ ଏବଂ ଦୁଇ ଦେଶ ମଧ୍ୟରେ ରଣନୀତିକ ସମ୍ପର୍କ ଉପରେ ପ୍ରଭାବ ପକାଇପାରେ । ବିଶେଷକରି ବର୍ତ୍ତମାନ ଭାରତ ଏବଂ ଆମେରିକା ରଣନୀତିକ ଭାଗିଦାରୀରେ ଥିବାରୁ ଏହି ନିର୍ବାଚନ ଉପରେ ଭାରତ ତୀକ୍ଷ୍ଣ ନଜର ରଖିଛି। ବିଶେଷକରି ଟେକ୍ନୋଲୋଜି, ଭିତ୍ତିଭୂମି, ଅକ୍ଷୟ ଶକ୍ତି ଏବଂ ଉତ୍ପାଦନ କ୍ଷେତ୍ରରେ ଆମେରିକା ଭାରତରେ ଏକ ପ୍ରମୁଖ ନିବେଶକ ଅଟେ। ତେଣୁ ଆମେରିକାର ରାଷ୍ଟ୍ରପତିଙ୍କ ଅର୍ଥନୈତିକ ନୀତି ଭାରତର ରପ୍ତାନି, ପୁଞ୍ଜି ବିନିଯୋଗ ଏବଂ ସାମଗ୍ରିକ ଅର୍ଥନୈତିକ ଅଭିବୃଦ୍ଧି ଉପରେ ସିଧାସଳଖ ପ୍ରଭାବ ପକାଇବ।
ଡୋନାଲ୍ଡ ଟ୍ରମ୍ପ ଏବଂ କମଳା ହାରିସଙ୍କ ମଧ୍ୟରେ କଡ଼ା ପ୍ରତିଯୋଗିତା ଚାଲିଛି, କିନ୍ତୁ ସର୍ବଶେଷ ଜାତୀୟ ସର୍ବେକ୍ଷଣରୁ ଜଣାପଡିଛି ଯେ ପୂର୍ବତନ ରାଷ୍ଟ୍ରପତି ଟ୍ରମ୍ପଙ୍କଠୁ ଆଗରେ ରହିଛନ୍ତି ଉପରାଷ୍ଟ୍ରପତି କମଳା ହାରିସ ।
ଭାରତୀୟ ଷ୍ଟକ୍ ମାର୍କେଟ ଉପରେ ପ୍ରଭାବ: ଆମେରିକା ରାଷ୍ଟ୍ରପତି ନିର୍ବାଚନର ଫଳାଫଳ ବିଶ୍ୱବ୍ୟାପୀ ବଜାରକୁ ପ୍ରଭାବିତ କରିବ । ତଥାପି, ଯଦିଓ ସ୍ୱଳ୍ପ ମିଆଦି ଅସ୍ଥିରତା ଥାଇପାରେ, ବିଶେଷଜ୍ଞମାନଙ୍କ ମତରେ ଯେ ବଜାର ଶୀଘ୍ର ସ୍ଥିର ହେବ ଏବଂ ଫଳାଫଳ ସହିତ ଗତି କରିବ । ଭାରତ ପ୍ରସଙ୍ଗରେ କୌଣସି ବଡ଼ ପରିବର୍ତ୍ତନ ହେବାର ସମ୍ଭାବନା ନାହିଁ। ତେବେ ପ୍ରତିରକ୍ଷା, ବାଣିଜ୍ୟ ଏବଂ ରଣନୀତିକ କ୍ଷେତ୍ରରେ ଭାରତ-ଆମେରିକା ଦ୍ୱିପାକ୍ଷିକ ସମ୍ପର୍କ ଉପରେ ଏହାର ମହତ୍ୱପୂର୍ଣ୍ଣ ପ୍ରଭାବ ପଡିପାରେ
