ଆଖି ପାଇଁ କ୍ଷତିକାରକ ସାବ୍ୟସ୍ତ ହୋଇପାରେ ଆପଣଙ୍କର ଏହି ସବୁ ଅଭ୍ୟାସ, ଶୀଘ୍ର ହୋଇଯାଆନ୍ତୁ ସାବଧାନ୍
ବିନା ଅଙ୍ଗପ୍ରତ୍ୟଙ୍ଗରେ ମଣିଷ ଜୀବନ ଅସମ୍ଭବ। କୌଣସି ଅଙ୍ଗ ଯଦି ଅକାମୀ ହୋଇଯାଇଥାଏ ତେବେ ମଣିଷ ଜଣଙ୍କ ଉପରେ ନିର୍ଭର କରିବା ସ୍ବଭାବିକ୍ । ବିନା ସାହାର୍ଯ୍ୟରେ କୌଣସି କାମ କରିବା ତା ପାଇଁ ସାଧାରଣ ମଣିଷ ତୁଳନାରେ କଷ୍ଟସାଧ୍ୟ ହୋଇଥାଏ । ତେଣୁ ମଣିଷକୁ ନିଜ ଶରୀର ପ୍ରତି ବିଶେଷ ଧ୍ୟାନ ଦେବା ଉଚିତ୍ । ତେବେ ଏସବୁ ଭିତରେ ମଣିଷ ଶରୀରର ସବୁ ଅଙ୍ଗ ପ୍ରତ୍ୟଙ୍ଗ ଭିତରୁ ଚକ୍ଷୁ ବା ଆଖି ହେଉଛି ଅନ୍ୟତ୍ତମ ।
ବିନା ଚକ୍ଷୁରେ ଜୀବନ ରଙ୍ଗ ହୀନ ତୁଳି ସହିତ ସମାନ ହୋଇଥାଏ । ଆଖି ବିନା ଦୈନନ୍ଦିନ କାର୍ଯ୍ୟ ସଂପାଦନ କରିବାରେ ସମସ୍ୟା ହୋଇଥାଏ । ତେଣୁ ଯେଉଁମାନଙ୍କ ଦୃଷ୍ଟି ଶକ୍ତି ନାହିଁ ସେମାନଙ୍କ ଆତ୍ମବିଶ୍ବାସକୁ ମାନିବାକୁ ପଡିବ ଯେ କିଭଳି ଭାବେ ସେମାନେ ନିଜକୁ ଅନ୍ୟମାନଙ୍କ ଭିତରେ ତାଳ ଦେଇ ଆଗକୁ ବଢାଉଛନ୍ତି । ତଥାପି ଏହାପରେ ମଧ୍ୟ ସେମାନଙ୍କୁ ବହୁ ସମସ୍ୟାର ସମ୍ମୁଖୀନ ହେବାକୁ ପଡୁଛି । ଏହି ପରିପେକ୍ଷୀରେ ସାଧାରଣ ଲୋକ ମଧ୍ୟ ନିଜ ଆଖିକୁ ନେଇ ବିଶେଷ ସତର୍କ ରହିବା ଉଚିତ୍ । ବିଶେଷ ଭାବେ ଆପଣଙ୍କ ଖରାପ ଅଭ୍ୟାସ ହିଁ ଆପଣଙ୍କ ଆଖିକୁ କ୍ଷତି ପହଁଚାଇଥାଏ।
ତେବେ ଆସନ୍ତୁ ଜାଣିବା କେଉଁ କାର୍ଯ୍ୟ ଆପଣଙ୍କ ଆଖି ପାଇଁ କ୍ଷତିକାରକ ସାବ୍ୟସ୍ତ ହୋଇଥାଏ :
–ଖରାରେ ବିନା ସନଗ୍ଳାସ୍ ରେ ବାହାରକୁ ବାହାରିବା
–କଣ୍ଟାକ୍ଟ ଲେନ୍ସ ବହୁତ ସମୟ ଯାଏଁ ପିନ୍ଧିବା
–ପୁରୁଣା କଣ୍ଟାକ୍ଟ ଲେନ୍ସ ବ୍ୟବହାର କରିବା
– ଏକ୍ସପାୟାର ହୋଇଯାଇଥିବା ଆଖି ମେକଅପ୍ ବ୍ୟବହାର କରିବା
–ସିଗାରେଟ୍ ଟାଣିବା ଦ୍ବାରା ଧୀରେ ଧୀରେ ଦୃଷ୍ଟି ଶକ୍ତି ହ୍ରାସ ହୋଇଥାଏ
–ବେଶି ସମୟ ଧରି ମୋବାଇଲ ଓ ଲ୍ୟାପଟପ୍ ଦେଖିବା
–ବିନା ଡାକ୍ତରଙ୍କ ପରାମର୍ଶରେ ଆଇ ଡପ୍ ପକାଇବା
