ରୁଖାସୁଖା ଓଠ ପ୍ରାୟତଃ ଆପଣଙ୍କ ଚେହେରାର ସୌନ୍ଦର୍ଯ୍ୟକୁ ହ୍ରାସ କରିଦେଇଥାଏ । ଯଦି ଆପଣ ମଧ୍ୟ ଆପଣଙ୍କ ଓଠକୁ ଗୋଲାପୀ ଏବଂ ନରମ କରିବାକୁ ଚାହୁଁଛନ୍ତି, ତେବେ ଆପଣ ଓଠ ପାଇଁ ନ୍ୟାଚୁରାଲ ସ୍କ୍ରବ୍ ତିଆରି କରି ବ୍ୟବହାର କରନ୍ତୁ । ଘରେ ତିଆରି ହୋଇଥିବା କେମିକାଲ ଫ୍ରି ଓଠ ସ୍କ୍ରବ୍ ଆପଣଙ୍କ ଓଠର ଶୁଷ୍କତାକୁ ଦୂର କରିବାରେ ଏବଂ ନରମ କରିବାରେ ସହାୟକ ହୋଇପାରେ ।
ତେବେ ଆସନ୍ତୁ ଜାଣିବା ଘରୋଇ ଲିପ୍ ସ୍କ୍ରବ୍ କିପରି ତିଆରି କରାଯାଏ ।
ମହୁ ଏବଂ ଚିନି ସହିତ ଲିପ୍ ସ୍କ୍ରବ୍ ପ୍ରସ୍ତୁତ କରନ୍ତୁ:
ଲିପ୍ ସ୍କ୍ରବ୍ ତିଆରି କରିବା ପାଇଁ, ସର୍ବପ୍ରଥମେ ଏକ ପାତ୍ରରେ ଗୋଟିଏ ଚାମଚ ମହୁ ଏବଂ ଗୋଟିଏ ଚାମଚ ଚିନି ମିଶାଇ ଏହି ଦୁଇଟି ଜିନିଷକୁ ଭଲ ଭାବରେ ମିଶାନ୍ତୁ । ଏହି ମିଶ୍ରଣକୁ କିଛି ସମୟ ପାଇଁ ରଖି ଦିଅନ୍ତୁ । ଯେତେବେଳେ ଚିନି ଟିକେ ନରମ ହୋଇଯିବ ସେତେବେଳେ ଆପଣ ଏହି ଲିପ୍ ସ୍କ୍ରବ୍ ବ୍ୟବହାର କରିପାରିବେ । ଆପଣ ଏହି ଲିପ୍ ସ୍କ୍ରବକୁ ସପ୍ତାହରେ ଦୁଇଥର ଆପଣଙ୍କ ସ୍କିନ କେୟାର ରୁଟିନ୍ ର ଏକ ଅଂଶ କରିପାରିବେ ।
ବ୍ୟବହାର କରିବାର ସଠିକ ଉପାୟ:
ଆପଣ ମହୁ ଏବଂ ଚିନିରେ ନିର୍ମିତ ଏହି ସ୍କ୍ରବକୁ ହାଲୁକା ହାତରେ ଓଠରେ ଲଗାଇବାକୁ ପଡିବ । ଓଠ ସ୍କ୍ରବ୍ ସହିତ ଓଠକୁ ପ୍ରାୟ ଏକରୁ ଦୁଇ ମିନିଟ୍ ପର୍ଯ୍ୟନ୍ତ ମସାଜ୍ କରନ୍ତୁ ଏବଂ ତା’ପରେ ଓଦା କପଡାରେ ଓଠକୁ ସଫା କରନ୍ତୁ । ଉତ୍ତମ ଫଳାଫଳ ପାଇବା ପାଇଁ, ଆପଣ ଉଷୁମ ପାଣିରେ ସ୍କ୍ରବ୍ ସଫା କରିପାରିବେ । ଶେଷରେ ଆପଣ ଓଠରେ ନଡିଆ ତେଲ ଲଗାଇବାକୁ ଭୁଲନ୍ତୁ ନାହିଁ ।
ନ୍ୟାଚୁରାଲ ସ୍କ୍ରବ୍ ଖୁବ ଲାଭଦାୟକ:
ନିୟମିତ ଭାବରେ ଏହି ଲିପ୍ ସ୍କ୍ରବ୍ ବ୍ୟବହାର କରି ଆପଣ ନିଜ ଓଠକୁ ନରମ ଏବଂ ଗୋଲାପୀ କରିପାରିବେ । ଏହି ଲିପ୍ ସ୍କ୍ରବ୍ ଆପଣଙ୍କ ଶୁଷ୍କ ଏବଂ ନିର୍ଜୀବ ଓଠକୁ ଗୋଲାପୀ ଏବଂ ନରମ କରିବାର କ୍ଷମତା ରଖିଛି । ମହୁରେ ମିଳୁଥିବା ସମସ୍ତ ଉପାଦାନ ଆପଣଙ୍କ ତ୍ୱଚାର ସ୍ୱାସ୍ଥ୍ୟକୁ ବହୁ ପରିମାଣରେ ଉନ୍ନତ କରିପାରିବ । କାହିଁ କେଉଁ କାଳରୁ ସ୍କିନ ପାଇଁ ମହୁ ବ୍ୟବହାର କରିବାକୁ ପରାମର୍ଶ ଦିଆଯାଇଛି ।
