ସକାଳୁ ଶଯ୍ୟା ତ୍ୟାଗ କରିବା ଅନେକ ଲୋକଙ୍କର ଅଭ୍ୟାସ ଥାଏ। କିନ୍ତୁ କେତେଜଣ ସକାଳୁ ସକାଳୁ ଏମିତି ସବୁ କାମ କରିବସନ୍ତି, ଯାହାଫଳରେ ସେମାନଙ୍କ ଶରୀର ଦୁର୍ବଳ ହୋଇଯାଏ। ଆସନ୍ତୁ ଜାଣିବା କ’ଣ ସେ ସବୁ ଭୁଲ୍ କାମ ଆପଣ କରିଥାଆନ୍ତି।
-ପାଣି ପିଇବା ଆମ ଶରୀର ପାଇଁ ବହୁତ ଲାଭଦାୟକ ହୋଇଥାଏ। କିନ୍ତୁ ସକାଳୁ ଉଠିବା ପରେ କୁଳୁକୁଚା ନ କରି ପାଣି ପିଇବା ହାନିକାରକ ହୋଇଥାଏ। କାରଣ, ରାତି ସାରା ଆମ ମୁହଁରେ ବ୍ୟାକ୍ଟେରିଆ ରହିଥାଆନ୍ତି, ଯାହା ପାଣି ସହିତ ଆମ ପେଟକୁ ଚାଲିଯାଏ। ଆଉ ଆମକୁ ପେଟ ସମସ୍ୟା ଦେଖାଦିଏ।
-ସକାଳୁ ଉଠିବା ମାତ୍ରେ ବହୁତ ଲୋକଙ୍କର ମୋବାଇଲ୍ ଚଲେଇବାର ଅଭ୍ୟାସ ରହିଥାଏ। ଏହି ଭୁଲ୍ କାମ ଆଖି ଉପରେ ଖରାପ ପ୍ରଭାବ ପକାଇଥାଏ। ଆଖିର ଉଜ୍ଜ୍ୱଳତା କମ୍ ହେବାରେ ଲାଗିଥାଏ। ତେଣୁ ଏପରି କରନ୍ତୁ ନାହିଁ।
-କିଛି ଲୋକ ସକାଳୁ ଉଠିଲେ ବିନା କୁଳୁକୁଚାରେ ବେଡ୍ ଉପରେ ଚା’ ପିଇଥାଆନ୍ତି। ଏମିତି କଲେ, ପେଟରେ ଗ୍ୟାସ୍, ଏସିଡିଟି ଏବଂ କୋଷ୍ଠକାଠିନ୍ୟ ଭଳି ସମସ୍ୟା ଦେଖାଦେଇଥାଏ। ତେଣୁ ସକାଳୁ ଉଠିବାର କିଛି ସମୟ ପରେ ଚା’ ପିିଇବା ଉଚିତ।
-କେତେକ ଲୋକ ସକାଳୁ ଉଠି ସଙ୍ଗେ ସଙ୍ଗେ ଗାଧୋଇ ଥାଆନ୍ତି। ସକାଳେ ଶରୀରର ତାପମାତ୍ରା ବହୁତ ଅଧିକ ରହିଥାଏ। ତେଣୁ ସକାଳୁ ଉଠି ଗାଧୋଇଲେ, ଆପଣ ଅସୁସ୍ଥ ହୋଇପାରନ୍ତି। ତେଣୁ ଉଠିବାର ୨୦ରୁ ୨୫ ମିନିଟ୍ ପରେ ସ୍ନାନ କରିବା ଉଚିତ।
