ଇସ୍ରାଏଲ ଆରମ୍ଭ କରିବ ତୃତୀୟ ପର୍ଯ୍ୟାୟ ଆକ୍ରମଣ : ଗାଜାରେ ‘ଜୀବନ ପ୍ରତି ଦାୟିତ୍ୱ’ରୁ ଓହରିଲା ସେନା – Utkal Mail

ନୂଆଦିଲ୍ଲୀ: ଇସ୍ରାଏଲର ପ୍ରତିରକ୍ଷା ମନ୍ତ୍ରୀ ଶୁକ୍ରବାର ଗାଜା ଆକ୍ରମଣର ତୃତୀୟ ପର୍ଯ୍ୟାୟ ବିଷୟରେ ସୂଚନା ଦେଇଛନ୍ତି।  ପ୍ରଥମ ପର୍ଯ୍ୟାୟରେ ହମାସର ଭିତ୍ତିଭୂମି ନଷ୍ଟ କରିବା ଉଦ୍ଦେଶ୍ୟରେ ଚାଲିଥିବା ସାମରିକ ଅଭିଯାନ ଉଦ୍ଦିଷ୍ଟ ଥିଲା ବୋଲି ପ୍ରତିରକ୍ଷା ମନ୍ତ୍ରୀ ୟୋଭ ଗାଲାଣ୍ଟ କହିଛନ୍ତି। ମଧ୍ୟବର୍ତ୍ତୀ ପର୍ଯ୍ୟାୟରେ ‘କମ୍‌ ତୀବ୍ରତାରେ ଅପରେସନ୍‌’ ଅନ୍ତର୍ଭୁକ୍ତ ଥିଲା।

କିନ୍ତୁ, ତୃତୀୟ ପର୍ଯ୍ୟାୟରେ ଆରମ୍ଭ ହେବାକୁ ଥିବା ଆକ୍ରମଣରେ ଗାଜା ଉପତ୍ୟକାରେ ଜୀବନ ପ୍ରତି ଇସ୍ରାଏଲର ଦାୟିତ୍ୱ ହଟାଇବା ଏବଂ ଇସ୍ରାଏଲର ନାଗରିକଙ୍କ ପାଇଁ ଏକ ନୂତନ ନିରାପତ୍ତା ବାସ୍ତବତା ପ୍ରତିଷ୍ଠା କରିବାକୁ ପଡ଼ିବ ବୋଲି ସେ କହିଛନ୍ତି।

ଇସ୍ରାଏଲର ସାମରିକ ଅଧିକାରୀମାନେ କହିଛନ୍ତି ଯେ ବର୍ତ୍ତମାନ ୧୪ତମ ଦିନରେ ପ୍ରବେଶ କରିଥିବା ଏହି ଯୁଦ୍ଧ ଦୀର୍ଘ ଦିନ ଧରି ଚାଲିବ, ଲଢ଼େଇ କଷ୍ଟକର ଏବଂ ତୀବ୍ର ହେବ। ତେବେ ହମାସ ବିପକ୍ଷରେ ଇସ୍ରାଏଲ ଯୁଦ୍ଧ ଜିତିବ ବୋଲି ସେମାନେ ଆଶାବାଦୀ ଅଛନ୍ତି।