ପକେଟରେ ମୋବାଇଲ ରଖିଲେ ହୋଇଯିବ ସ୍ପର୍ମ କାଉଣ୍ଟକୁ କମ୍, ଛୁଆ ଜନ୍ମରେ ହେଉଛି ସମସ୍ୟା, ଜାଣନ୍ତୁ ପୁରା ଖବର
କଣ ଆପଣ ଜାଣନ୍ତି କି ପକେଟ୍ ରେ ମୋବାଇଲ୍ ଫୋନ୍ ରଖିବା ହେତୁ ଆପଣ ବଞ୍ଚିତ ହୋଇ ପାରନ୍ତି ସନ୍ତାନ ଜନ୍ମରୁ । ଏପରି ଆମେ କହୁ ନାହୁଁ । ଏପରି ଏକ ତଥ୍ୟର ସନ୍ଧାନ କରିଛି ସୁଇଜରଲାଣ୍ଡ୍ ର ଏକ ବିଶ୍ଵ ବିଦ୍ୟାଳୟ । ବିଶ୍ଵ ବିଦ୍ୟାଳୟର ଅନୁସନ୍ଧାନରୁ ଜଣା ପଡିଛି ଯେ , ଯେଉଁ ବ୍ୟକ୍ତି ମାନେ ଅତ୍ୟଧିକ ମୋବାଇଲ୍ ଫୋନ୍ ବ୍ୟବହାର କରୁଛନ୍ତି ସେମାନଙ୍କ ଠାରେ ସ୍ପର୍ମ ସଂଖ୍ୟା ହ୍ରାସ ପାଇବାରେ ଲାଗିଛି ।
ମୋବାଇଲ୍ ଫୋନ୍ ର ବ୍ୟବହାର ଦ୍ୱାରା କିପରି ବର୍ତ୍ତମାନ ମାନବ ସମାଜ ବିଭିନ୍ନ ନାହିଁ ନ ଥିବା ସମସ୍ୟାର ସମ୍ମୁଖୀନ ହେଉଛନ୍ତି ସେ ବିଷୟରେ ତ ଆପଣ ମାନେ ଅଳ୍ପେ ବହୁତେ ସମସ୍ତେ ଜାଣନ୍ତି । ହେଲେ ନିକଟରେ ସୁଇଜରଲ୍ୟାଣ୍ଡର ଏକ ରିସର୍ଚ୍ଚରୁ ଯାହା ଜଣା ପଡିଛି ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
ରିସର୍ଚ୍ଚର କହିବା ଅନୁସାରେ , ବର୍ତ୍ତମାନ ପୁରୁଷଙ୍କ ଠାରେ ସ୍ପର୍ମର ସଂଖ୍ୟାରେ ହ୍ରାସ ଦେଖା ଦେବାରେ ଲାଗିଛି । ଯାହାକି ଭବିଷ୍ୟତରେ ଏକ ଗୁରୁତ୍ବପୂର୍ଣ୍ଣ ସମସ୍ୟା ସୃଷ୍ଟି କରି ପାରେ । ସ୍ପର୍ମ ସଂଖ୍ୟା ହ୍ରାସ ସନ୍ତାନ ହାନିର ଏକ ମୁଖ୍ୟ କାରଣ ଅଟେ । ତେବେ ରିସର୍ଚ୍ଚ
ରୁ ଜଣା ପଡିଛି ଯେ , ସ୍ପର୍ମ ସଂଖ୍ୟା ହ୍ରାସର କାରଣ ଅତ୍ୟଧିକ ମୋବାଇଲ୍ ଫୋନ୍ ବ୍ୟବହାର କିମ୍ବା ଅନେକ ସମୟ ଧରି ଫୋନ୍ କୁ ପକେଟ୍ ରେ ରଖିବା ଦ୍ୱାରା ମଧ୍ୟ ହୋଇପାରେ ।
ତେବେ ଏହି ରିସର୍ଚ୍ଚକୁ ନେଇ ସମ୍ପୂର୍ଣ ସ୍ପଷ୍ଟତା ମିଳି ପାରି ନ ଥିଲେ ମଧ୍ୟ ସନ୍ଦେହ ଅନେକ ମାତ୍ରାରେ ସତ ହୋଇ ପାରେ ବୋଲି ବୈଜ୍ଞାନିକ ମାନେ ବିଶ୍ୱାସ କରୁଛନ୍ତି । ତେବେ ଏ ନେଇ ଏବେ ମଧ୍ୟ ଗବେଷଣା ଜାରି ରହିଛି ।
