ପ୍ରଥମେ ହାତରେ ଟଙ୍କା ଦେଲା, ପରେ ଟିଫିନ୍ରୁ ଖାଦ୍ୟ କାଢ଼ି ଭିକାରିକୁ ଖୁଆଇଲା କୁନିଝିଅ – Utkal Mail
ନୂଆଦିଲ୍ଲୀ: ଇଣ୍ଟରନେଟରେ ଆମେ ପ୍ରତିଦିନ କିଛି ନା କିଛି ନୂଆ ନୂଆ ଭିଡିଓ ଦେଖିବାକୁ ପାଇଥାଉ। ଏହା ହେଉଛି ଅନେକ ପ୍ରେରଣାଦାୟକ ଏବଂ ହୃଦୟସ୍ପର୍ଶୀ ଭିଡିଓର ଏକ ଭଣ୍ଡାର ସଦୃଶ। ସୋସିଆଲ୍ ମିଡିଆ ଆକାଉଣ୍ଟ୍କୁ ସ୍କ୍ରୋଲ୍ କରିବାବେଳେ ଆମେ ଏପରି ଅନେକ ଭିଡିଓ ଦେଖିଥାଉ, ଯାହାକୁ ଦେଖିବା ପରେ ଆପଣଙ୍କ ମନ ଖୁସି ହୋଇଯାଏ।
ଏହିପରି ଗୋଟିଏ ଭିଡିଓ ଆମ ଦୃଷ୍ଟି ଆକର୍ଷଣ କରିଛି। ଏହି କ୍ଲିପ୍ରେ, ଆମେ ଏକ ସ୍କୁଲର ଜଣେ କୁନି ଛାତ୍ରୀଙ୍କୁ ନିଜ ଟିଫିନ୍ରୁ ଖାଦ୍ୟ କାଢ଼ି ଜଣେ ଭିକାରିକୁ ଖାଇବାକୁ ଦେଉଥିବାର ଦେଖିବାକୁ ପାଇଛୁ। ଏହି ହୃଦୟସ୍ପର୍ଶୀ କ୍ଲିପଟି ଇଣ୍ଟର୍ନେଟ୍ରେ ଭାଇରାଲ୍ ହେବା ପରେ ସମସ୍ତେ ଏବେ କୁନି ଝିଅଟିର ପ୍ରଶଂସା କରୁଛନ୍ତି।
ଲୋକପ୍ରିୟ ଆକାଉଣ୍ଟ ‘କୁଇନ୍ ଅଫ୍ ଭ୍ୟାଲି’ର ଇନଷ୍ଟାଗ୍ରାମ ରିଲରେ ଭିଡିଓ ସେୟାର କରାଯାଇଛି। ଏହା ପୋଷ୍ଟ ହେବା ଦିନଠାରୁ ୧ ମିଲିୟନ୍ ଭ୍ୟୁ ଏବଂ ୨୦୭ ହଜାର ଲାଇକ୍ ପାଇ ସାରିଲାଣି।
ଭିଡିଓରେ ଦେଖିବାକୁ ମିଳିଛି ଯେ ଛୋଟ ଝିଅଟି ପ୍ରଥମେ ଭିକାରିକୁ କିଛି ଟଙ୍କା ଦେଇଥିଲା। ତା’ପରେ ସେ ତା’ର ଟିଫିନ୍ ବାକ୍ସ ଖୋଲି ତାଙ୍କୁ କିଛି ପାଣି ସହିତ ଏକ ସାଣ୍ଡୱିଚ୍ ବି ଦେଲା। ଯେତେବେଳେ ଭିକାରି ଜଣକ ଟିକେ ସଂକୋଚ କଲା, ଝିଅଟି ନିଜ ହାତରେ ତାଙ୍କୁ ଖାଇବାକୁ ଦେଲା। ଏହି କୌତୂକିଆ ଭିଡିଓଟିରେ ଆହୁରି ଦେଖିବାକୁ ମିଳିଛି ଯେ ଶେଷରେ କୁନି ଝିଅଟି ଭିକାରି ସହ ହାତ ମିଳାଇ ସେଠାରୁ ପଳାଇ ଯାଉଛି। ଭିଡିଓରେ ଅନେକ ପ୍ରତିକ୍ରିୟା ମିଳିଚାଲିଛି। ଅନେକ ଲୋକ ବିଦ୍ୟାଳୟର ଛାତ୍ରୀଙ୍କୁ ତାଙ୍କର ଦୟା ଭାବ ପାଇଁ ପ୍ରଶଂସା କରିଛନ୍ତି।
