ରେଢାଖୋଲ: ଜଳୁଛି ଜଙ୍ଗଲ । ରେଢାଖୋଲ ବନଖଣ୍ଡର ବିଭିନ୍ନ ଜଙ୍ଗଲରେ ନିଆଁ । ୨ ଦିନ ହେଲା ହୁତୁ ହୁତୁ ହୋଇ ଜଳୁଛି । ଲଣ୍ଡାକୋଟ, ହାତୀଧରା, ଖୋଲଗଡ, ରାଇଲ, ସୁହାଣୀ,ଟାଲ ସଂରକ୍ଷିତ ଜଙ୍ଗଲର ବିଭିନ୍ନ ପାହାଡରେ ନିଆଁ ଲାଗିଛି । ଫଳରେ ଜଳିପୋଡ଼ି ପାଉଁଶ ହୋଇଯାଉଛି ଛୋଟବଡ଼ ମୂଲ୍ୟବାନ ଗଛ । ନିଆଁ ଲାଗିବା ଫଳରେ ପଶୁପକ୍ଷୀଙ୍କ ପାଇଁ ବିପଦ ଦେଖାଦେଇଛି ।
ରାସ୍ତା ଘାଟ ଧୂଆଁମୟ ହୋଇଯାଉଥିବାରୁ ରାସ୍ତାରେ ଯିବାଆସିବା କରୁଥିବା ଲୋକମାନେ ଅତିଷ୍ଟ ହୋଇପଡିଲେଣି । କିଛି ଲୋକ ମହୁଲ ଫୁଲ ସଂଗ୍ରହ କରିବା ପାଇଁ ଜଙ୍ଗଲରେ ନିଆଁ ଲଗାଇ ଦେଉଥିବା ଅଭିଯୋଗ ହୋଇଛି । ବନ ବିଭାଗ ପକ୍ଷରୁ ଲୋକଙ୍କୁ ସଚେତନ କଲେ ମଧ୍ୟ ସୁଫଳ ମିଳୁନି । ନିଆଁକୁ ଆୟତ୍ତ କରିବାରେ ବନବିଭାଗ ନାକେଦମ ହୋଇଗଲାଣି ।
