ବଲିଉଡ୍ ପରେ ଏବେ ହଲିଉଡ୍ରେ ଜଲଓ୍ଵା ଦେଖାଇବେ ଆଲିଆ ଭଟ୍ଟ, ‘ହାର୍ଟ ଅଫ୍ ଷ୍ଟୋନ୍’ରେ କରିବେ ଡେବ୍ୟୁ
ମୁମ୍ବାଇ: ବଲିଉଡ୍ ଅଭିନେତ୍ରୀ ଆଲିଆ ଭଟ୍ଟ ହଲିଉଡ ଫିଲ୍ମରେ ଡେବ୍ୟୁ କରିବାକୁ ଯାଉଛନ୍ତି। ଫିଲ୍ମ ‘ହାର୍ଟ ଅଫ୍ ଷ୍ଟୋନ୍’ରେ ଆଲିଆଙ୍କ ଫାଷ୍ଟ ଲୁକ୍ ସାମ୍ନାକୁ ଆସିଛି। ଆଲିଆଙ୍କ ଫ୍ୟାନ୍ସ ଏହି ଫିଲ୍ମ ପାଇଁ ବେଶ୍ ଉତ୍ସାହିତ ଅଛନ୍ତି। ଏହା ଭାରତୀୟ ସିନେମା ପାଇଁ ଗର୍ବର ବିଷୟ।
ହଲିଉଡ୍ ଫିଲ୍ମ ‘ହାର୍ଟ ଅଫ୍ ଷ୍ଟୋନ୍’ରେ ଗାଲ ଗୋଡେଟ୍ ଏବଂ ଜାମି ଡର୍ନାନଙ୍କ ପରି ବଡ଼ ବଡ଼ ତାରକାଙ୍କ ସହ ଆଲିଆଙ୍କୁ ଦେଖିବାକୁ ମିଳିବ। ଆଲିଆ ଭଟ୍ଟଙ୍କ ଏହି ଆକ୍ସନ୍ ଫିଲ୍ମ ୨୦୨୩ରେ ନେଟ୍ଫ୍ଲିକ୍ସରେ ରିଲିଜ୍ ହେବ। ନେଟ୍ଫ୍ଲିକ୍ସ ଏହି ଆକ୍ସନ୍ ଥ୍ରୀଲରର ପ୍ରଥମ ଲୁକ୍ ଜାରି କରିଛି। ୟୁଟ୍ୟୁବ୍ ଚ୍ୟାନେଲ୍ ଗ୍ଲୋବାଲ୍ ଫ୍ୟାନ୍ ଇଭେଣ୍ଟରେ ପ୍ରଥମ ଭିଡିଓ ମୁକ୍ତିଲାଭ କରିଥିଲା। ଏହା ବ୍ୟତୀତ ଆଲିଆ ଭଟ୍ଟ ଇନ୍ଷ୍ଟାଗ୍ରାମ୍ରେ ହଲିଉଡ୍ ଡେବ୍ୟୁର ପ୍ରଥମ ଲୁକ୍ ମଧ୍ୟ ସେୟାର କରିଛନ୍ତି। ଆଲିଆଙ୍କ ଏହି ଭିଡିଓରେ କିଛି ସଟ୍ ଅନ୍ତର୍ଭୁକ୍ତ କରାଯାଇଛି। ଫିଲ୍ମରେ ଆକ୍ସନ୍ ଲୁକରେ ଆଲିଆ ବହୁତ ସୁନ୍ଦର ଦେଖାଯାଉଛନ୍ତି। ହଲିଉଡ୍ ଅଭିନେତାଙ୍କ ସହିତ ଆଲିଆ ସ୍କ୍ରିନ୍ରେ ସୁନ୍ଦର ଲାଗୁଛନ୍ତି।
‘ହାର୍ଟ ଅଫ୍ ଷ୍ଟୋନ୍’ରେ ଆଲିଆଙ୍କ ଆକ୍ସନ୍ ବଲିଉଡ ସିନ୍ଠାରୁ ସମ୍ପୂର୍ଣ୍ଣ ଭିନ୍ନ। ଆଲିଆ ଏହି ହଲିଉଡ୍ ଫିଲ୍ମରେ ଅନେକ ଆକ୍ସନ୍ ସିନ୍କୁ ଜଣେ ଯୋଦ୍ଧା ଭାବରେ କରୁଥିବାର ଦେଖିବାକୁ ମିଳିଛି। ଫାଷ୍ଟ ଲୁକ୍ ଭିଡିଓରେ ଫିଲ୍ମର ସମସ୍ତ ମୁଖ୍ୟ କଳାକାର ଫିଲ୍ମରେ ସେମାନଙ୍କ ଚରିତ୍ର ବିଷୟରେ ଆଲୋଚନା କରୁଥିବା ଦେଖିବାକୁ ମିଳିଛି। ଆଲିଆ ଫିଲ୍ମରେ ନିଜର ଅଭିଜ୍ଞତା ବାଣ୍ଟିଥିବାର ନଜର ଆସିଛନ୍ତି।
ଏଥିରୁ ଗୋଟିଏ କଥା ସ୍ପଷ୍ଟ ହୋଇଛି ଯେ ଆଲିଆ ମଧ୍ୟ ଏହି ଚଳଚ୍ଚିତ୍ରରେ ଛୋଟ ଭୂମିକାରେ ନୁହେଁ, ବରଂ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରୁଛନ୍ତି। ଫିଲ୍ମରେ ଆଲିଆ କିୟା ଧାୱନ ଭୂମିକାରେ ଅଭିନୟ କରୁଛନ୍ତି। ଟମ୍ ହାରପଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ ସୋଫି ଓକୋନେଡୋ, ମାଥିଆସ୍ ସ୍ୱସ୍ଗୋଫର୍, ଜିଙ୍ଗ୍ ଲୁସି ଏବଂ ପଲ୍ ରେଡି ମଧ୍ୟ ଅଭିନୟ କରିଛନ୍ତି।
