Herbal drinks: ବର୍ଷା ଦିନେ ପିଅନ୍ତୁ ଏହି ସବୁ ହର୍ବାଲ୍ ଡ୍ରିଙ୍କ୍ସ, ବଢିବ ଇମ୍ୟୁନ୍ ସିଷ୍ଟମ୍
ମୌସୁମୀରେ ସ୍ୱାସ୍ଥ୍ୟର ବିଶେଷ ଯତ୍ନ ନେବା ଜରୁରୀ । ଏହି ସମୟରେ ଇମ୍ୟୁନିଟିକୁ ସପୋର୍ଟ କରିବା ପାଇଁ ଡାଏଟ୍ରେ କିଛି ହର୍ବାଲ୍ ଡ୍ରିଙ୍କ୍ସ ସାମିଲ କରାଯାଇପାରିଲେ ବହୁତ ଲାଭଦାୟକ ।ଭାରତର ଅନେକ ରାଜ୍ୟରେ ଏବେ ମୌସୁମୀ ସକ୍ରିୟ ରହିଛି । ବର୍ଷା ଓ ଆର୍ଦ୍ରତା କାରଣରୁ ପାଣିପାଗରେ ପରିବର୍ତ୍ତନ ହୁଏ । ଏହାଦ୍ୱାରା ଅନେକଙ୍କଠାରେ ଥଣ୍ଡା, କାଶ, ଗଳା ଦରଜ, ପେଟ ସମ୍ବନ୍ଧୀୟ ସମସ୍ୟା ଏବଂ ଅନ୍ୟାନ୍ୟ ଋତୁକାଳୀନ ରୋଗ ଦେଖାଦେଇଥାଏ । ତେଣୁ ଏହି ସମୟରେ ଶରୀରର ଇମ୍ୟୁନିଟିକୁ ସୁସ୍ଥ ରଖିବା ଜରୁରୀ ।
ବାହାର ଖାଦ୍ୟ, ପରିମଳର ଅଭାବ ଏବଂ ବଦଳୁଥିବା ପାଣିପାଗ ମଧ୍ୟ ସ୍ୱାସ୍ଥ୍ୟ ଉପରେ ପ୍ରଭାବ ପକାଇଥାଏ । ତେଣୁ ଦୈନନ୍ଦିନ ଖାଦ୍ୟପେୟ ପ୍ରତି ଧ୍ୟାନ ଦେବା ସହ ଶରୀରକୁ ଆବଶ୍ୟକ ପୋଷକତତ୍ତ୍ୱ ଯୋଗାଇବା ଆବଶ୍ୟକ । କିଛି ହର୍ବାଲ୍ ଡ୍ରିଙ୍କ୍ସରେ ଉଦ୍ଭିଦଜାତ ତତ୍ୱ ଥାଏ, ଯେଉଁଥିରେ ଆଣ୍ଟିଅକ୍ସିଡାଣ୍ଟ୍ ଓ ଶରୀରରେ କଷ୍ଟ କମାଇବା ଭଳି ଗୁଣ ରହିଥାଏ । ଏଗୁଡ଼ିକ ଶରୀରର ଇମ୍ୟୁନିଟିକୁ ସପୋର୍ଟ କରିବାରେ ସହାୟକ ହୋଇଥାଏ । ତେବେ ଏଗୁଡ଼ିକୁ କୌଣସି ରୋଗର ଚିକିତ୍ସା ବୋଲି ଧରାଯିବା ଉଚିତ ନୁହେଁ ।
ମୌସୁମୀରେ ଇମ୍ୟୁନିଟିକୁ ସପୋର୍ଟ କରିବା ପାଇଁ ଏହି ସବୁ ହର୍ବାଲ୍ ଡ୍ରିଙ୍କ୍ସ ପିଅନ୍ତୁ:
କ୍ୟାମୋମାଇଲ୍ ଟି:
କ୍ୟାମୋମାଇଲ୍ ଟିରେ ଆଣ୍ଟିଅକ୍ସିଡାଣ୍ଟ୍ ଏବଂ ଏପରି କିଛି ତତ୍ୱ ରହିଥାଏ, ଯାହା ବ୍ୟାକ୍ଟେରିଆ ବିରୋଧରେ ଲଢ଼ିଥାଏ । ଏହା ଶରୀରର ଇମ୍ୟୁନିଟି କ୍ଷମତାକୁ ବଢ଼ାଇଥାଏ । ଏହାଛଡ଼ା ଚାପ କମାଇବା ଏବଂ ନିଦ ଭଲ ହେବାରେ ସହାୟକ ହୋଇଥାଏ ।
ପୁଦିନା ଟି:
ପୁଦିନା ଟିରେ ଆଣ୍ଟିଅକ୍ସିଡାଣ୍ଟ୍ ସହ ଆଣ୍ଟିବ୍ୟାକ୍ଟେରିଆଲ୍ ଓ ଆଣ୍ଟିଭାଇରାଲ୍ ଗୁଣ ମିଳିଥାଏ । ଏହା ଶରୀରର ଇମ୍ୟୁନିଟିକୁ ସପୋର୍ଟ କରେ । ଏହାଛଡ଼ା ପୁଦିନା ଟି ହଜମ ସମ୍ବନ୍ଧୀୟ ସମସ୍ୟା, ବାନ୍ତି ଲାଗିବା, ପେଟ ଯନ୍ତ୍ରଣା ଓ ମାଂସପେଶୀରେ ଦରଜକୁ କମାଇବାରେ ସହାୟକ ହୋଇଥାଏ ।
ହିବିସ୍କସ୍ ଟି:
ହିବିସ୍କସ୍ରେ ଆଣ୍ଟିଅକ୍ସିଡାଣ୍ଟ୍ ଗୁଣ ରହିଥାଏ, ଯାହା ଶରୀରକୁ ଅକ୍ସିଡେଟିଭ୍ ଷ୍ଟ୍ରେସ୍ରୁ ସୁରକ୍ଷା ଦେବାରେ ସହାୟକ ହୋଇଥାଏ । ଏହାଛଡ଼ା ହିବିସ୍କସ୍ ଟି ରକ୍ତଚାପ ଓ ଖରାପ କୋଲେଷ୍ଟେରଲ୍କୁ ନିୟନ୍ତ୍ରଣରେ ରଖିବାରେ ସହାୟକ ହୋଇଥାଏ ।
ଅଦା ଚା :
ଅଦା ଚା’ରେ ଆଣ୍ଟିଅକ୍ସିଡାଣ୍ଟ୍ ରହିଥାଏ, ଯାହା ଶରୀରକୁ ଫ୍ରି ରାଡିକାଲ୍ସରୁ ହେଉଥିବା କ୍ଷତିରୁ ସୁରକ୍ଷା ଦେଇଥାଏ । ଏହା ଇମ୍ୟୁନ୍ ସିଷ୍ଟମ୍କୁ ସପୋର୍ଟ କରିଥାଏ । ଏହାଛଡ଼ା ଅଦା-ବାନ୍ତି, ବଦହଜମୀ ଏବଂ ମାସିକ ଋତୁସ୍ରାବ ସମୟର ଯନ୍ତ୍ରଣା କମାଇବାରେ ମଧ୍ୟ ସହାୟକ ହୋଇଥାଏ ।
ହଳଦୀ କ୍ଷୀର:
ହଳଦୀରେ କର୍କ୍ୟୁମିନ୍ ନାମକ ଏକ ତତ୍ୱ ଥାଏ, ଯାହା ଶରୀରର ଇମ୍ୟୁନ୍ ସିଷ୍ଟମ୍କୁ ସପୋର୍ଟ କରିଥାଏ । କ୍ଷୀରରୁ ପ୍ରୋଟିନ୍ ଓ କ୍ୟାଲସିୟମ୍ ମଧ୍ୟ ମିଳିଥାଏ । ତେବେ ହଳଦୀ କ୍ଷୀରକୁ କୌଣସି ରୋଗର ଚିକିତ୍ସା ବୋଲି ଧରାଯିବା ଉଚିତ ନୁହେଁ ।
ମୌସୁମୀରେ ରୋଗରୁ ଦୂରେଇ ରହିବା ପାଇଁ ଏଗୁଡ଼ିକ ମଧ୍ୟ ଜରୁରୀ:
ମୌସୁମୀରେ କେବଳ ହର୍ବାଲ୍ ଡ୍ରିଙ୍କ୍ସ ଉପରେ ନିର୍ଭର କରିବା ଠିକ୍ ନୁହେଁ । ଶରୀରକୁ ସୁସ୍ଥ ରଖିବା ପାଇଁ ସନ୍ତୁଳିତ ଖାଦ୍ୟ ଖାଇବା, ପର୍ଯ୍ୟାପ୍ତ ପାଣି ପିଇବା ଏବଂ ଭଲ ନିଦ ହେବା ଜରୁରୀ । ବର୍ଷା ଦିନରେ ବାହାରର ଖୋଲା କିମ୍ବା ଅପରିଷ୍କାର ଖାଦ୍ୟ ଖାଇବାରୁ ଦୂରେଇ ରୁହନ୍ତୁ । ଫଳ ଓ ପନିପରିବାକୁ ଭଲ ଭାବେ ଧୋଇକି ଖାଆନ୍ତୁ ଏବଂ ପିଇବା ପାଇଁ ସଫା ପାଣି ବ୍ୟବହାର କରନ୍ତୁ ।
ଖାଇବା ପୂର୍ବରୁ ଏବଂ ବାହାରୁ ଫେରିବା ପରେ ସାବୁନ୍ରେ ହାତ ଧୋଇବା ଅଭ୍ୟାସ କରନ୍ତୁ । ଯଦି କୌଣସି ହର୍ବାଲ୍ ଡ୍ରିଙ୍କ୍ ପିଇବା ପରେ ଆଲର୍ଜି କିମ୍ବା ଅସୁବିଧା ହୁଏ, ତେବେ ତାହା ପିଅନ୍ତୁ ନାହିଁ ।
