ଆଠଗଡ଼ : ଫିଲ୍ମ ଷ୍ଟାଇଲରେ ଅବକାରୀ ବିଭାଗ କର୍ମଚାରୀ ଓ ମଦ ବେପାରୀଙ୍କ ଗୋଡ଼ାଗୋଡ଼ି । ଚଢ଼ଉ ବେଳେ ଚକମା ଦେଖାଇଥିଲେ ଚୋରା ମଦ ବେପାରୀ । ଶେଷରେ ପିକଅପ ଭ୍ୟାନକୁ କାବୁ କରିଥିଲା ଅବକାରୀ ବିଭାଗ । ଗତକାଲି ବିଳମ୍ବିତ ରାତିରେ ପିକଅପ ଭ୍ୟାନରେ ଚୋରା ଦେଶୀ ମଦ ଯାଉଥିବା ଖବର ପାଇଥିଲା ଆଠଗଡ଼ ଅବକାରୀ ବିଭାଗ ।
ବାଙ୍କୀ ନିକଟରେ ଗାଡ଼ିକୁ ଅଟକାଇବାକୁ ଚେଷ୍ଟା କରିଥିଲେ ବାଙ୍କୀ ଓ ଆଠଗଡ଼ ଅବକାରୀ ବିଭାଗର କର୍ମଚାରୀ । ହେଲେ ପିକଅପ ଭ୍ୟାନଟି ନ ଅଟକି ଦ୍ରୁତ ଗତିରେ ପଳାଇଥିଲା । ପିଛା କରିବା ବେଳେ ମଦ ବୋଝେଇ ପିକପ୍ ଭ୍ୟାନ୍ ଡାଲାରୁ ମଦ ମାଫିଆମାନେ ମଦ ଭର୍ତ୍ତି ଜାର୍କିନ ଅବକାରୀ ବିଭାଗ ଗାଡ଼ି ଉପରକୁ ପକାଇ ଦୁର୍ଘଟଣା ଘଟାଇବାକୁ ଚେଷ୍ଟା କରିଥିଲେ ।
ପାଖାପାଖି ଚାରି ଘଣ୍ଟାର ଲୁଚକାଳି ଖେଳ ପରେ ତିଗିରିଆ ନୂଆପାଟଣା ଅଞ୍ଚଳର ଏକ ଜଙ୍ଗଲ ରାସ୍ତାରେ ରଖି ଦେଇ ଫେରାର ହୋଇ ଯାଇଥିଲେ ।
