ଓଡ଼ିଶାରେ ୫ ବର୍ଷରେ ପଞ୍ଜିକୃତ ହୋଇଛି ୧.୫ ଲକ୍ଷରୁ ଅଧିକ ଇଲେକ୍ଟ୍ରିକ୍ ଯାନ, ୨୩୨.୪୫ କୋଟି ମିଳିଛି ସବସିଡି

ଭୁବନେଶ୍ୱର : ଓଡ଼ିଶା ବିଧାନସଭାରେ ଗୁରୁବାର ଦିନ ପରିବହନ ମନ୍ତ୍ରୀ ବିଭୂତି ଭୂଷଣ ଜେନାଙ୍କ ଦ୍ୱାରା ପ୍ରଦାନ କରାଯାଇଥିବା ସବସିଡି ବଣ୍ଟନ ତଥ୍ୟରୁ ଜଣାପଡିଛି ଯେ ଓଡ଼ିଶାରେ ପଞ୍ଜିକୃତ ଇଲେକ୍ଟ୍ରିକ୍ ଯାନ (ଇଭି) ସଂଖ୍ୟାରେ ଉଲ୍ଲେଖନୀୟ ବୃଦ୍ଧି ଘଟିଛି। ଗତ ପାଞ୍ଚ ବର୍ଷ ମଧ୍ୟରେ ମୋଟ ୧,୫୫,୦୬୮ ଯାନ ପଞ୍ଜିକୃତ ହୋଇଛି।

ବଡ଼ମ୍ବା ବିଧାୟକ ବିଜୟ କୁମାର ଦଳବେହେରାଙ୍କ ଏକ ପ୍ରଶ୍ନର ଉତ୍ତର ଦେଇ ପରିବହନ ମନ୍ତ୍ରୀ ଓଡ଼ିଶା ବିଧାନସଭାକୁ ସୂଚନା ଦେଇଛନ୍ତି ଯେ ସରକାର ୨୦୨୧ ରୁ ୨୦୨୫ (ମାର୍ଚ୍ଚ ୬, ୨୦୨୫ ପର୍ଯ୍ୟନ୍ତ) ୧,୨୨,୫୭୮ ହିତାଧିକାରୀଙ୍କୁ ମୋଟ ୨୩୨.୪୫ କୋଟି ଟଙ୍କାର ସବସିଡି ରାଶି ବଣ୍ଟନ କରିଛନ୍ତି

ଏହା ପରେ ବିଜୟ କୁମାର ଦଳବେହେରା ପ୍ରଶ୍ନ କରିଥିଲେ ଯେ, ରାଜ୍ୟରେ ବର୍ତ୍ତମାନ ସୁଦ୍ଧା କେ‌ତେ ଇଲେକ୍ଟ୍ରିକ୍ ଯାନ ପଞ୍ଜିକରଣ ହୋଇଛି ତାହାର ତଥ୍ୟ ପ୍ରଦାନ କରିବେ କି? ଏହା ସହିତ ଗତ ୫ ବର୍ଷର ବାର୍ଷିକ ଆଧାରରେ ଇଲେକ୍ଟ୍ରିକ୍ ଯାନ ପଞ୍ଜିକରଣ ତଥ୍ୟ ପ୍ରଦାନ କରିବେ କି?

ବର୍ଷ ଆଧାରରେ ବିସ୍ତୃତ ପଞ୍ଜୀକରଣ ତଥ୍ୟ:

୨୦୨୧:
ଦୁଇଚକିଆ ଯାନ: ୪,୯୪୪
ତିନି ଚକିଆ ଯାନ: ୬୨୩
ଚାରିଚକିଆ ଯାନ: ୫୬
ବସ୍‌: ୩

୨୦୨୨:
ଦୁଇଚକିଆ ଯାନ: ୨୫,୭୨୬
ତିନି ଚକିଆ ଯାନ: ୨,୨୫୨
ଚାରିଚକିଆ ଯାନ: ୪୦୭
ବସ୍‌: ୬୨ଟି

୨୦୨୩:
ଦୁଇଚକିଆ ଯାନ: ୩୮,୩୪୭
ତିନି ଚକିଆ ଯାନ: ୪,୭୭୧
ଚାରିଚକିଆ ଯାନ: ୧,୩୪୪
ବସ୍‌: ୮୩

୨୦୨୪:
ଦୁଇଚକିଆ ଯାନ: ୫୬,୩୦୩
ତିନି ଚକିଆ ଯାନ: ୬,୨୧୮
ଚାରିଚକିଆ ଯାନ: ୩,୨୦୭
ବସ୍‌: ୨୪୯

୨୦୨୫ (ମାର୍ଚ୍ଚ ୬ ପର୍ଯ୍ୟନ୍ତ):
ଦୁଇଚକିଆ ଯାନ: ୮,୫୮୧
ତିନି ଚକିଆ ଯାନ: ୯୬୫
ଚାରିଚକିଆ ଯାନ: ୮୫୪
ବସ୍‌: ୭୩

ଏହି ତଥ୍ୟରୁ ସ୍ପଷ୍ଟ ହେଉଛି ଯେ, ଓଡ଼ିଶାରେ ଇଲେକ୍ଟ୍ରିକ୍ ଯାନ ପ୍ରତି ଲୋକଙ୍କ ଆଗ୍ରହ ଦ୍ରୁତ ଗତିରେ ବୃଦ୍ଧି ପାଇଛି । ରାଜ୍ୟ ସରକାରଙ୍କ ପ୍ରୋତ୍ସାହନ ଏବଂ ସବସିଡି ଯୋଜନା ଏହାର ମୁଖ୍ୟ କାରଣ ଭାବରେ ଚିହ୍ନିତ ହୋଇଛି ।