ଜୁନ୍ରେ ପିକ୍ରେ ପହଁଞ୍ଚିପାରେ କରୋନା; ଆମେରିକା ଓ ସିଙ୍ଗାପୁରରେ ବଢୁଛି ସଂକ୍ରମଣ ,ଓଡିଶା ଜଣାପଡିଛି ମାମଲା
ଦୁନିଆର ଅନେକ ଦେଶରେ କରୋନା ସଂକ୍ରମଣ ମାମଲା ପୁଣି ଥରେ ଦ୍ରୁତ ଗତିରେ ବୃଦ୍ଧି ପାଉଛି ।କରୋନା, FLiRT ର ନୂତନ ଭାରିଆଣ୍ଟ, ଖୁବ୍ କମ୍ ସମୟ ମଧ୍ୟରେ ଅନେକ ଦେଶକୁ ଛୁଇଁଛି। ମିଡିଆ ରିପୋର୍ଟ ଅନୁଯାୟୀ, ଆମେରିକା ଏବଂ ସିଙ୍ଗାପୁରରେ ସଂକ୍ରମଣ ମାମଲାରେ ଦ୍ରୁତ ଗତିରେ ବୃଦ୍ଧି ଘଟିଛି। ପରିସ୍ଥିତି ଏପରି ଯେ ସିଙ୍ଗାପୁର ସ୍ୱାସ୍ଥ୍ୟ ବିଭାଗ ସୁରକ୍ଷା ଦୃଷ୍ଟିରୁ ପୁଣିଥରେ ମାସ୍କ ପିନ୍ଧିବାକୁ ଲୋକଙ୍କୁ ନିବେଦନ କରିଛି। ସିଙ୍ଗାପୁର ସ୍ବାସ୍ଥ୍ୟମନ୍ତ୍ରଣାଳୟର ସୂଚନା ଅନୁସାରେ, ଜୁନ୍ ମଧ୍ୟ ଭାବରେ କରୋନା ସଂକ୍ରମଣ ମାମଲା ପିକ୍ରେ ପହଁଞ୍ଚିବାର ଆଶଙ୍କା କରାଯାଉଛି।
ସୂଚନାଯୋଗ୍ୟ ଯେ ଏକ ସପ୍ତାହ ମଧ୍ୟରେ ସିଙ୍ଗାପୁରରେ ୨୫,୦୦୦ ରୁ ଅଧିକ ନୂତନ ମାମଲା ରିପୋର୍ଟ ହୋଇଛି ଯାହା ସ୍ୱାସ୍ଥ୍ୟ ବିଶେଷଜ୍ଞଙ୍କ ଚିନ୍ତା ବଢାଇ ଦେଇଛି।ନୂତନ କରୋନା ଭାରିଆଣ୍ଟ ଫିଲାର୍ଟ (KP.2) ହେଉଛି ଓମିକ୍ରନ୍ ର ଏକ ସବ୍ ଭାରିଆଣ୍ଟ, ଯଦିଓ ଏଥିରେ କିଛି ପରିବର୍ତ୍ତନ ପରିଲକ୍ଷିତ ହୋଇଛି ଯାହା ଫଳରେ ଟିକା ଦ୍ବାରା ସୃଷ୍ଟି ହୋଇଥିବା ପ୍ରତିରକ୍ଷା ପ୍ରଣାଳୀକୁ ଦୂର କରିବାରେ ସାହାଯ୍ୟ କରେ ଏବଂ ମଣିଷ ଭିତରେ ସଂକ୍ରମଣକୁ ଶୀଘ୍ର ବଢାଇଥାଏ।
ସିଙ୍ଗାପୁର ସ୍ୱାସ୍ଥ୍ୟ ବିଭାଗ ସମସ୍ତ ଲୋକଙ୍କୁ କରୋନା ବିପଦ ବିଷୟରେ ସତର୍କ ରହିବାକୁ ଚେତାବନୀ ଦେଇଛି। ଆସନ୍ତା ମାସରେ ସଂକ୍ରମଣ କ୍ଷେତ୍ରରେ ଅଧିକ ବୃଦ୍ଧି ହେବାର ସମ୍ଭାବନା ରହିଛି। ନୂଆ ଭାରିଆଣ୍ଟକୁ ନେଇ ହୋଇଥିବା ଅଧ୍ୟୟନ ରିପୋର୍ଟ ଆଧାରରେ ବିଶେଷଜ୍ଞମାନେ କହିଛନ୍ତି ଯେ, KP.2 ଯେଉଁ ଗତିରେ ବଢୁଛି, ତାହା ଖୁବ୍ ଶୀଘ୍ର ବ୍ୟାପୁଥିବା JN.1 ଭାରିଆଣ୍ଟର ସ୍ଥାନ ନେଇପାରେ। ମହାରାଷ୍ଟ୍ର ସହିତ ଦେଶର ବହୁ ରାଜ୍ୟରେ କରୋନାର ଏହି ନୂଆ ଭାରିଆଣ୍ଟ ବ୍ୟାପିଛି। ଏହାଛଡା ପଶ୍ଚିମବଙ୍ଗ, ଗୁଜରାଟ, ରାଜସ୍ଥାନ, ଓଡିଶା, ଉତ୍ତରାଖଣ୍ଡ, ଗୋଆରେ ୧୨ KP.2 ଭାରିଆଣ୍ଟ ସଂକ୍ରମଣ ମାମଲା ଜଣାପଡିଛି।
